ପାଟଣା,ଏନ୍ଏନ୍ଏସ୍: କୁହାଯାଏ ପ୍ରେମ ଅନ୍ଧ । ଏଥିରେ ପଡିଲେ ସମ୍ପର୍କ ଓ ବୟସ ଦେଖି ହୁଏନି। ଏପରି ଏକ ଘଟଣା କେନ୍ଦୁଝର ଜିଲ୍ଲା ପାଟଣା ଥାନା ସିଲିପଦା ଗ୍ରାମରେ ଦେଖିବାକୁ ମିଳିଛି। ଜଣେ ଯୁବକ ତା’ର ୧୬ ବର୍ଷୀୟା ଦାଦା ଝିଅକୁ ଏକ ତରଫା ପ୍ରେମ କରି ଗିରଫ ହୋଇଛି। ସୂଚନା ଅନୁସାରେ, ନାବାଳିକାଙ୍କୁ ବଡ଼ବାପା ପୁଅ ଭାଈ ଏକ ତରଫା ପ୍ରେମ କରି ବିବାହ କରିବା ଓ ତାଙ୍କ ଫଟୋକୁ ନିଜ ଫଟୋ ସହିତ ଯୋଡି ସୋସିଆଲ ମିଡିଆରେ ଭାଇରାଲ କରିବା ଅଭିଯୋଗରେ ଆଜି ପାଟଣା ପୁଲିସ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଯୁବକ ହେଉଛନ୍ତି ସୁନୀଲ ମହାନ୍ତ। ଏନେଇ ପାଟଣା ଥାନାଧିକାରୀ ସୋମନାଥ ଜେନା ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫକରି କୋର୍ଟ ଚାଲାଣ କରିଛନ୍ତି।
