ଯାଜପୁର,ଏନ୍ଏନ୍ଏସ୍: ବସରେ ନାବାଳିକା ଛାତ୍ରୀଙ୍କୁ ଅସଦାଚରଣ କରି ଯୁବକ ଅଟକ। ଛାତ୍ରୀଙ୍କ ବାପା ଝିଅର ଅଭିଯୋଗ ଶୁଣିବା ପରେ ତୁରନ୍ତ ବ୍ୟାସନଗରସ୍ଥିତ ବସଷ୍ଟାଣ୍ଡ ନିକଟରେ ପହଞ୍ଚି ଯାଜପୁର ରୋଡ ପୋଲିସକୁ ଖବର ଦେଇଥିଲେ। ଯାଜପୁର ରୋଡ ପୋଲିସ ସମ୍ପୃକ୍ତ ଯୁବକକୁ ଥାନାକୁ ଆଣି ପଚରାଉଚରା କରୁଥିବା ଜଣାପଡ଼ିଛି।
ସୂଚନା ଅନୁସାରେ ବ୍ୟାସନଗରସ୍ଥିତ ସାପଗଡିଆ ଅଞ୍ଚଳର ନାବାଳିକା ଜଣକ ଚଣ୍ଡିଖୋଲର ଏକ କଲେଜରେ ପାଠ ପଢ଼ନ୍ତି। ତେବେ ଆଜି(ଶନିବାର) କଲେଜରୁ କ୍ଲାସ ସାରି ଏକ ଘରୋଇ ବସରେ ଛାତ୍ରୀ ଜଣକ ଘରକୁ ଫେରୁଥିବାବେଳେ ବସ ଭିତରେ ଏକ ଅଜଣା ଯୁବକ ତାଙ୍କୁ ଅସଦାଚରଣ କରିଥିଲେ। ଏନେଇ ସେ ବସର ଡ୍ରାଇଭର ଓ ହେଲ୍ପରଙ୍କୁ ଜଣାଇବା ପରେ ସେମାନେ ଅସଦାଚରଣ କରିଥିବା ଯୁବକକୁ ବାଡ଼େଇ ବିଦା କରିଦେଇଥିବା ଛାତ୍ରୀ ଜଣକ ନିଜ ବାପାଙ୍କୁ ଜଣାଇଥିଲେ।
