ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ଥାନା ପୁରୁଣାପାଣି ଗ୍ରାମରୁ ଆଜି ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି। ମାନସିକ ଭାରସାମ୍ୟ ହରାଇ ଜଣେ ଯୁବକ ଘର ଠାରୁ ୨ କିଲୋମିଟର ଶାଳ ଜଙ୍ଗଲ ରେ ଏକ ଗଛରେ ଗାମୁଛା ବେକରେ ବାନ୍ଧି ଆତ୍ମହତ୍ୟା କରିଥିବା ଜଣାପଡିଛି। ମୃତକ ହେଲେ ପୁରୁଣାପାଣି ଗ୍ରାମର ଗ୍ରାମରକ୍ଷୀ ଡମ୍ବୁରୁଧର ମହାନ୍ତଙ୍କ ପୁଅ ଲଳିତ କୁମାର ମହାନ୍ତ(୨୬)।
ସେ ଗତକାଲି ଠାରୁ ନିଖୋଜ ଥିଲେ। ପରେ ଆଜି ସକାଳେ ଘର ପାଖରେ ଥିବା ଏକ ଗଛରେ ତାଙ୍କ ମୃତ ଦେହ ଝୁଲୁଥିବା ଦେଖିବାକୁ ମିଳିଥିଲା। ପରେ ଗ୍ରାମବାସୀ ପୁଲିସକୁ ଖବର ଦେଇଥିଲେ। ଖବରପାଇ ଘଟଣାସ୍ଥଳରେ ପୁଲିସ ପହଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି।
