ଜୟପୁର,ଏନ୍ଏନ୍ଏସ୍: ଯୁବତୀଙ୍କୁ ପ୍ରତାରଣା ଅଭିଯୋଗରେ ଜୟପୁର ଟାଉନ ପୁଲିସ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲେ ଜୟପୁର ଗୋପବନ୍ଧୁ ନଗରର କିସାନ ସାଗର(୩୨) । ମିଳିଥିବା ରିପୋର୍ଟ ମୁତାବକ, କିସାନ ସମ୍ପୃକ୍ତ ଯୁବତୀଙ୍କୁ ପ୍ରଲୋଭିତ କରି ଶାରୀରିକ ସମ୍ପର୍କ ରଖିବା ପରେ ପ୍ରତାରଣା କରିଥିବା ନେଇ ଯୁବତୀ ଜଣକ ଜୟପୁର ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଆଧାର କରି ଟାଉନ ପୁଲିସ ଅଭିଯୁକ୍ତ କିସାନକୁ ଗିରଫ କରି କୋର୍ଟ ଚାଲାଣ କରିଥିବା ନେଇ ଟାଉନ ପୁଲିସ ତରଫରୁ ସୂଚନା ଦିଆଯାଇଛି ।
