ପାଟଣା,ଏନ୍ଏନ୍ଏସ୍ : କେନ୍ଦୁଝର ଜିଲ୍ଲା ସିଲିପଦା ପଞ୍ଚାୟତ ଲକ୍ଷ୍ମୀପଶି ଗାଁରେ ଘଟିଛି ଅଭାବନୀୟ ଘଟଣା । ଗାଁ ର କୁନା ମୁଣ୍ଡା(୨୫)ଙ୍କ ଗଛରୁ ପଡି ଶୋଚନୀୟ ମୃତ୍ୟୁ ଘଟିଛି । ସୁଚନା ଅନୁସାରେ, ଆଜି ନିଜ ଘର ନିକଟରେ ଏକ ଦେବଦାରୁ ଗଛ ଉପରକୁ ଉଠି ଗଛ କାଟୁଥିବା ବେଳେ ହଠାତ ମୁଣ୍ଡ ବୁଲାଇ ଦେବାରୁ ଗଛ ଉପରୁ ଖସି ପଡି ଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ପରିବାର ଲୋକେ ପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ହେଁ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ଏନେଇ ପାଟଣା ପୋଲିସ ଶବ ବ୍ୟବଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରି ଏକ ଅପମୃତ୍ୟୁ ମାମଲା ରୁଜୁ କରିଛି ।
