ନୂଆଦିଲ୍ଲୀ: ଭାରତୀୟ ଟିମ୍ ୱେଷ୍ଟେଣ୍ଡିଜ ବିରୋଧରେ ଟେଷ୍ଟ ସିରିଜ ୧-୦ରେ ଜିତିଛି । ରୋହିତ ଶର୍ମାଙ୍କ ନେତୃତ୍ୱାଧୀନ ଭାରତୀୟ ଟିମ୍ ପ୍ରଥମ ଟେଷ୍ଟ ମ୍ୟାଚ୍ ୧୪୧ ରନରେ ଜିତିବାରେ ସଫଳ ହୋଇଥିଲା । ଦ୍ୱିତୀୟ ଟେଷ୍ଟ ବର୍ଷା ଯୋଗୁ ଡ୍ରୋ ହୋଇଥିଲା । ଏପରି ଭାବେ ଭାରତୀୟ ଟିମ୍ ସରିଜ ୧-୦ରେ ଜିତିବାରେ ସଫଳ ହୋଇଛି । ଅନ୍ୟପଟେ ୱେଷ୍ଟେଣ୍ଡିଜ ବିରୋଧରେ ଟେଷ୍ଟ ଡେବ୍ୟୁ କରିଥିବା ୟଶସ୍ୱୀ ଜେସୱାଲ ପ୍ରଥମ ମ୍ୟାଚରେ ଶତକ ଏବଂ ଦ୍ୱିତୀୟରେ ଅର୍ଦ୍ଧଶତକ ପାର କରିଥିଲେ ।
ୟଶସ୍ୱୀ ଜେସୱାଲ ନିଜର ଦମଦାର ପ୍ରଦର୍ଶନ ବଳରେ ୧୧ତମ ସ୍ଥାନ ଉପରକୁ ଉଠିଛନ୍ତି । ଏହାପୂର୍ବରୁ ୟଶସ୍ୱୀଙ୍କ ଆଇସିସି ଟେଷ୍ଟ ର୍ୟାକିଂ ୭୧ ଥିଲା । କିନ୍ତୁ ଏବେ ସେ ୬୩ତମ ସ୍ଥାନରେ ପହଞ୍ଚି ଯାଇଛନ୍ତି । ୟଶସ୍ୱୀ ନିଜ ଡେବ୍ୟୁ ଟେଷ୍ଟ ମ୍ୟାଚରେ ୩୮୭ ବଲରେ ୧୭୧ ରନ୍ ହାସଲ କରିଥିଲେ । ଏଥିରେ ୧୬ଟି ଚୌକା ଓ ୧ ଛକ୍କା ସାମିଲ ରହିଛି । ଏହି ପ୍ରଦର୍ଶନ ପାଇଁ ୟଶସ୍ୱୀ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ ।
