ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ କରମତଳା ସମବାୟ ସମିତିସ୍ଥିତ ଦାବିଜୋରୀରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ପରିଚାଳନା ପରିଷଦର ସଦସ୍ୟ ରାଜକିଶୋର ଡାଙ୍ଗ, ସମ୍ମାନିତ ଅତିଥିଭାବେ ଟିକ୍ରାପଡ଼ା ଜିଲ୍ଲାପରିଷଦ ହିମାଞ୍ଚଳ ବୁଡ଼େକ, କରମତଳା ସମବାୟ ସମିତିର ସଭାପତି ବିକ୍ରମ ସିଂ ବୁଡ଼େକ, ସରପଞ୍ଚ ତିଲୋତ୍ତମା ବାଗ, ସମିତି ସଭ୍ୟ ଦହି ଭୋଇ, ବ୍ୟାଙ୍କ ମ୍ୟାନେଜର ପ୍ରସୂମ ବିଶ୍ୱାଳ, ସୁପରଭାଇଜର ତୁମେଶ୍ୱର ସାହୁ, ସମବାୟ କରମତଲାର ସଦସ୍ୟ ସଞ୍ଜୟ ବୁଡ଼େକ, ଟିକେରାମ ଭୋଇ ଓ ଭରତ ପାତ୍ର ପ୍ରମୁଖ ମଞ୍ଚାସିନ ଥିଲେ । ଏଥିରେ ବିପିନ ଦଳାଇ ଓ ଦେବ ନାୟକ ଚାଷୀଙ୍କୁ ସରକାରୀ ସୁବିଧା ଏବଂ ସମ୍ପାଦକ ଭରତ ଭୂଷଣ ବୁଡ଼େକ ଲକ୍ଷେ ଟଙ୍କା ଭିତରେ ଋଣ ସୁଧ ଛାଡ଼ ଓ ବ୍ୟାଙ୍କର ଅନ୍ୟ ସୁବିଧା ସମ୍ପର୍କରେ ବୁଝାଇଥିଲେ । ଏହି କାର୍ଯ୍ୟକ୍ରମରେ ଶତାଧିକ ଚାଷୀ ଉପସ୍ଥିତ ଥିଲେ ।
