ଭୁବନେଶ୍ୱର,ଏନ୍ଏନ୍ଏସ୍: ଆଜି ରାଜ୍ୟରେ ରେକର୍ଡ ସଂଖ୍ୟକ ୨୫୪୬ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆରୋଗ୍ୟଙ୍କ ସଂଖ୍ୟା ୫୯୪୭୦ରେ ପହଞ୍ଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୬୨୭ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବାବେଳେ ଗଞ୍ଜାମ ଜିଲ୍ଲାରୁ ୨୬୬ଜଣ ରହିଛନ୍ତି। ସେହିପରି ନୟାଗଡ଼ ୧୪୩, ପୁରୀରୁ ୧୪୧, ରାୟଗଡାରୁ ୧୧୨, କୋରାପୁଟରୁ ୧୦୪, ଭଦ୍ରକରୁ ୯୯, କଟକରୁ ୯୮, ବୌଦ୍ଧରୁ ୮୭, ମାଲକାନଗିରିରୁ ୭୬, କେନ୍ଦ୍ରାପଡା ୭୪, କନ୍ଧମାଳ ଓ ସୁନ୍ଦରଗଡରୁ ୭୩ ଜଣ ଲେଖାଏଁ, କଳାହାଣ୍ଡି ୭୨, ମୟୂରଭଞ୍ଜ ୭୦, ବାଲେଶ୍ୱର ୬୩, ନବରଙ୍ଗପୁର ୪୪, ଗଜପତି ୪୨, ଯାଜପୁର ୪୦, କେନ୍ଦୁଝର ୩୭, ଅନୁଗୁଳ, ଜଗତସିଂହପୁର ଓ ସମ୍ବଲପୁରରୁ ୩୨ଜଣ ଲେଖାଏଁ, ବରଗଡ ୨୯, ଢେଙ୍କାନାଳ ଓ ସୋନପୁରରୁ ୨୦ଜଣ ଲେଖାଏଁ, ବଲାଙ୍ଗିର ୧୮, ଝାରସୁଗୁଡା ୧୭ ଓ ଦେବଗଡରୁ ୫ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି।
