ଫିରିଙ୍ଗିଆ,ଏନ୍ଏନ୍ଏସ୍: ଫିରିଙ୍ଗିଆ ବ୍ଲକ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ସଭା ଗୃହରେ ବନାଗ୍ନୀ ନିବାରଣ ଓ ଲଘୁକରଣ ନିମନ୍ତେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଫିରିଙ୍ଗିଆ ବନାଞ୍ଚଳ ଅଧିକାରୀ ରବୀନ୍ଦ୍ର କୁମାର ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଫିରିଙ୍ଗିଆ ବ୍ଲକ ଅଧ୍ୟକ୍ଷା ନମିତା କହଁର ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଫିରିଙ୍ଗିଆ ସମିତି ସଭ୍ୟା ମୌସୁମୀ ପ୍ରଧାନ, ବ୍ଲକ ପ୍ରକଳ୍ପ ସଂଯୋଜକ ବାଦଲ ନାୟକ, ନୂଆ ପଦର ବନପାଳ ବ୍ରଜ ସୁନ୍ଦର ଦାଶ, ଫିରିଙ୍ଗିଆ ବନପାଳ ସରୋଜ କୁମାର ମିଶ୍ର, ପାହାଡ଼ ଟିମ୍ ଲିଡର ମନୋଜ କୁମାର ସାହୁ , ସଂଗ୍ରାମ କେଶରୀ ଦିଗାଲ, ସୁଜିତ୍ କୁମାର ପାତ୍ର ଓ ଏମବିକେ ସ୍ୱୟଂ ସହାୟିକା ଗୋଷ୍ଠୀର ମହିଳାମାନେ ଯୋଗ ଦେଇଥିଲେ । କାର୍ଯ୍ୟକ୍ରମରେ ବନ ସୁରକ୍ଷା ସହ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ପାଇଁ ଅତିଥି ଏବଂ ବିଭାଗୀୟ ଅଧିକାରୀମାନେ ସଚେତନତା ବାର୍ତ୍ତା ଦେଇଥିଲେ ।
