ପାଟଣାଗଡ଼,ଏନ୍ଏନ୍ଏସ୍: କାଦୋପଡ଼ା ରାଜେନ୍ଦ୍ର ଯୁବକ ସଂଘ ତରଫରୁ ପଶ୍ଚିମ ଓଡ଼ିଶା ସ୍ତରୀୟ କ୍ୟାରମ୍ ଟୁର୍ଣ୍ଣାମେଣ୍ଟ କାଦୋ କପ୍ ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ଦ୍ୱାରା ଉଦଘାଟିତ ହୋଇଯାଇଛି । ଏହି ପ୍ରତିଯୋଗିତାରେ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାରୁ ୫୪ଟି ଦଳ ଭାଗ ନେଇଥିଲେ । ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥିଭାବେ ଡା. ଭୀମସେନ ମେହେର, ବରିଷ୍ଠ ଆଇନଜୀବୀ ସୁଧୀର ମେହେର ଓ ସାମ୍ବାଦିକ ଲକ୍ଷ୍ମୀକାନ୍ତ ମିଶ୍ର ଯୋଗ ଦେଇଥିଲେ । ଏହି ପ୍ରତିଯୋଗିତାକୁ ଆଗାମୀ ଦିନରେ ରାଜ୍ୟସ୍ତରୀୟ କରାଯିବ ବୋଲି ମୁଖ୍ୟ ଅତିଥି ସିଂଦେଓ କହିଥିଲେ । ଏହି ପ୍ରତିଯୋଗିତାର ଫାଇନାଲ ମ୍ୟାଚ୍ ଆସନ୍ତା ୨୫ରେ ଖେଳାଯିବ ବୋଲି ଆୟୋଜକଙ୍କ ପକ୍ଷରୁ ସୂଚନା ଦିଆଯାଇଛିି । ଆଜି ପ୍ରଥମ ଦିନରେ କଳାହାଣ୍ଡି, ବରଗଡ଼, ସୋନପୁର ଓ ନୂଆପଡ଼ା ଜିଲ୍ଲାରୁ ଖେଳାଳିମାନେ ଅଂଶଗ୍ରହଣ କରିଥିଲେ । ପରେ ମୁଖ୍ୟଅତିଥି ଉପସ୍ଥିତ ଖେଳାଳିଙ୍କୁ ସମ୍ବର୍ଦ୍ଧିତ କରିଥିଲେ । ଆୟୋଜକଙ୍କ ପକ୍ଷରୁ ଭଜସଙ୍କର ଦୀପ, ସନ୍ୟାସି ବାଗ, ଗୋପାଳ ବାଗ, ମଣ୍ଟୁ ମେହେର, ବୀରେନ୍ଦ୍ର ସେଠ, ମକରଧ୍ୱଜ ରାଜୁ ଓ କୁଡ଼େଇଗଙ୍ଗାଧର ବେହେରା ପ୍ରମୁଖ ସହଯୋଗ କରିଥିଲେ ।
