ଭୁବନେଶ୍ୱର,ଏନ୍ଏନ୍ଏସ୍: ରାଜଧାନୀରେ ଶୁକ୍ରବାର ରାତ୍ରିରେ ମୁଖାପିନ୍ଧା ଦୁର୍ବୃତ୍ତମାନେ ଭଙ୍ଗାରୁଜା କରିଥିବା ଘଟଣାରେ କମିସନରେଟ ପୁଲିସ ଆଉ ୪ଜଣଙ୍କୁ ଗିରଫ କରିଛି। ଏଥିସହ ମୋଟରେ ୨୨ଜଣ ଗିରଫ ହୋଇଛନ୍ତି। ସେହିପର ଆଜି ଯେଉଁ ୪ଜଣଙ୍କୁ ଗିରଫ କରାଯାଇଛି ସେମାନେ ନାବାଳକ ବୋଲି ଜଣାପଡ଼ିଛି।
ସେମାନେ ସ୍କୁଲ ଓ କଲେଜରେ ପାଠ ପଢ଼ୁଥିବା ସୂଚନା ମିଳିଛି। ସୂଚନା ଅନୁସାରେ ଶୁକ୍ରବାର ରାତ୍ରିରେ ୨୫ରୁ ୩୦ଜଣ ଦୁର୍ବୃତ୍ତ ମୁଖା ପିନ୍ଧି ମାର୍କେଟ ବିଲ୍ଡିଂ ଠାରେ ଆତଙ୍କ ରଚିଥିଲେ। ଏହି ପରିପ୍ରେକ୍ଷୀରେ ସେମାନେ ହାତରେ ହକି ଷ୍ଟିକ, ଠେଙ୍ଗା ଓ ଅନ୍ୟାନ୍ୟ ମାରଣାସ୍ତ୍ର ଧରି ଲୋକମାନଙ୍କୁ ମାରଧର କରିବା ସହିତ ଦୋକାନୀ ମାନଙ୍କୁ ଗୋଡ଼ାଇ ଗୋଡ଼ାଇ ମାରିଥିଲେ। ଏହି ପରିପ୍ରେକ୍ଷୀରେ ଉଠାଦୋକାନୀ ଗୁଡ଼ିକୁ ମଧ୍ୟ ଭାଙ୍ଗି ଦେଇଥିଲେ। ଏହି ଘଟଣା ପରେ ଶନିବାର କମିସନରେଟ ପୁଲିସ ପକ୍ଷରୁ ୧୮ଜଣଙ୍କୁ ଗିରଫ କରାଯାଇଥିବା ବେଳେ ଆଜି ଆଉ ୪ଜଣ ଗିରଫ ହୋଇଛନ୍ତି।
