ନବରଙ୍ଗପୁର,ଏନ୍ଏନ୍ଏନ୍ : ନବରଙ୍ଗପୁର ଜିଲ୍ଲା ରାଇଘର ବୋରଗାଁ ପ୍ରକଳ୍ପ ହାଇସ୍କୁଲର ପ୍ରଧାନଶିକ୍ଷକ ରଣଜିତ୍ ପାଣିଗ୍ରାହୀଙ୍କ ଘରେ ମଙ୍ଗଳବାର ଭିଜିଲାନ୍ସ ଚଢାଉ ହୋଇଛି। ପ୍ରଧାନଶିକ୍ଷକଙ୍କ ବାସଭବନ ସମେତ ମୋଟ ୫ଟି ସ୍ଥାନରେ ଭିଜିଲାନ୍ସ ଟିମ ପକ୍ଷରୁ ଏହି ଚଢାଉ କରାଯାଇଛି। ଭିଜିଲାନ୍ସ ଅଧିକାରୀମାନେ ଏକକାଳୀନ ପାଞ୍ଚଟି ଜାଗାରେ ଚଢ଼ାଉ ଜାରି ରଖିଥିବା ସୂଚନା ମିଳିଛି। ପ୍ରଧାନ ଶିକ୍ଷକଙ୍କ ରାଇଘରଠାରେ ଥିବା ତିନିଟି ଘର, ଦୋକାନ ଗୃହ , ଗୋଦାମ ଗୃହ ଏବଂ ସ୍କୁଲରେ ଚଢ଼ାଉ କରିଛନ୍ତି । ବିଭାଗର ୩୦ ଜଣ ଅଧିକାରୀ ପାଞ୍ଚଟି ଭାଗରେ ବିଭକ୍ତ ହୋଇ ଏହି ଚଢ଼ାଉ କରୁଛନ୍ତି ।
