ଆନ୍ଧ୍ରପ୍ରଦେଶ: ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀସ୍ଥିତ ବେଣୁଗୋପାଳ ସ୍ୱାମୀ ମନ୍ଦିରରେ ରାମ ନବମୀ ଅବସରରେ ଅଗ୍ନିକାଣ୍ଡ ଘଟିଛି । ମନ୍ଦିରରେ ରାମ ନବମୀ ଉତ୍ସବ ପାଇଁ ପାଣ୍ଡାଲ ପ୍ରସ୍ତୁତ କରାଯାଇଥିଲା । ଏହି ସମୟରେ ସର୍ଟ ସର୍କିଟ୍ ଯୋଗୁ ପାଣ୍ଡାଲରେ ନିଆଁ ଲାଗି ଯାଇଥିଲା । ଏଥିରେ କେହି ଆହତ ହୋଇଥିବା ନେଇ ସୂଚନା ମିଳିନାହିଁ ।
ରିପୋର୍ଟ ମୁତାବକ, ନିଆଁ ଲାଗିବା ଯୋଗୁ ଶ୍ରଦ୍ଧାଳୁଙ୍କୁ ପାଣ୍ଡାଲରୁ ସୁରକ୍ଷିତ ଭାବେ କଢ଼ା ଯାଇଥିବାରୁ ବଡ଼ ଧରଣର ଦୁର୍ଘଟଣା ଟଳି ଯାଇଛି । ସ୍ଥାନୀୟ ପୁଲିସ ଓ ରାମ ମନ୍ଦିର ଅଧିକାରୀ ଉଦ୍ଧାର କାର୍ଯ୍ୟ ପାଇଁ ତୁରନ୍ତ ଘଟଣାସ୍ଥଳରେ ପହଞ୍ଚିଛନ୍ତି । ନିଆଁକୁ ଆୟତ୍ତ କରିବା ପାଇଁ ଦମକଳ ଗାଡ଼ି ମଧ୍ୟ ଡକାଯାଇଛି ।
