ଏକ ମ୍ୟୁଜିକ ଭିଡିଓର ସୁଟିଂ ପାଇଁ ସିଗାରେଟ ଟାଣୁଥିଲେ ବଲିଉଡ ଆକ୍ଟ୍ରେସ ଊର୍ବଶୀ ରୌତେଲା। ତେବେ ଧୂମପାନରେ ଅଭ୍ୟସ୍ତ ନଥିବା ଊର୍ବଶୀଙ୍କ ପାଇଁ ଏହା କଷ୍ଟକର ଥିଲା। ଅସାବଧାନତାବଶତଃ ତାଙ୍କ ଦେହରେ ପଡ଼ିଯାଇଥିଲା ସିଗରେଟ ଓ କିଛି ସମୟ ପାଇଁ ସୁଟିଂ ସେଟରେ ଆରମ୍ଭ ହୋଇଯାଇଥିଲା ହୋ ହଲ୍ଲା। ସୋସିଆଲ ମିଡିଆରେ ବେଶ ସକ୍ରିୟ ଊର୍ବଶୀ ଏ ଘଟଣାର ଭିଡିଓ ସେୟାର କରିଛନ୍ତି ନିଜ ଇନଷ୍ଟାଗ୍ରାମ ଏକାଉଣ୍ଟରେ। ଏହା ସହିତ ଊର୍ବଶୀ ଲେଖିଛନ୍ତି – ମୁଁ ବଡ଼ପାଟିରେ କହିଥିଲି ଯେ, ମୋତେ ସିଗାରେଟ ପିଇବା ଆସେନି।
ଯେଉଁମାନେ ଧୂମପାନ କରନ୍ତିନାହିଁ ତାଙ୍କ ପାଇଁ ଏସବୁ ଭାରି ଅଡ଼ୁଆ। ଧୂମପାନ ମଧ୍ୟ ଶରୀର ପାଇଁ କ୍ଷତିକାରକ।’ ଏହା ହନି ସିଂହ ଓ ସୁଖବୀରଙ୍କ ଗୀତ ‘ଗଲ ବନ ଗୟି…’ର ମ୍ୟୁଜିକ ଭିଡିଓ ସୁଟିଂ ସମୟର। ଏଥିରେ ରହିଛି ଊର୍ବଶୀଙ୍କ ବୋଲ୍ଡ କ୍ୟାରେକ୍ଟର। ଏଥିପାଇଁ ତାଙ୍କୁ ଧୂମପାନ କରିବାର ଥିଲା ଓ ସେ କିଭଳି ଅଡ଼ୁଆରେ ପଡ଼ୁଛନ୍ତି, ତାହା ଦେଖିବାକୁ ମିଳୁଛି ଭିଡିଓରେ। ଟି ସିରିଜର ଏହି ମ୍ୟୁଜିକ ଭିଡିଓଟିକୁ ଇତିମଧ୍ୟରେ ୧୧ କୋଟିରୁ ଅଧିକ ଥର ଦେଖିସାରିଲେଣି ପ୍ରଶଂସକ।
