ଦେବଗଡ଼,ଏନ୍ଏନ୍ଏସ୍: ଦେବଗଡ଼ ଥାନା ଅନ୍ତର୍ଗତ ଟାଇଁସର ଗ୍ରାମ ସ୍ଥିତ କାଲିପଥର ଅଞ୍ଚଳରେ ଜଣେ ନାବାଳିକାକୁ ଦୁଷ୍କର୍ମ ଅଭିଯୋଗ ହୋଇଥିବା ଜଣାପଡିଛି। ପୁଲିସ ସୂଚନା ଅନୁଯାୟୀ କାଲିପଥର ଅଞ୍ଚଳରେ ଜଣେ ୧୫ ବର୍ଷୀୟ ନାବାଳିକା ସନ୍ଧ୍ୟାରେ ଶୌଚ ପାଇଁ ବିଲ ପଟକୁ ଯାଇଥିବା ବେଳେ ନାବାଳିକାର ମାମୁଁ ଆଶିଷ କିଣ୍ଡୋ (୩୨) ବଳ ପୂର୍ବକ ଦୁଷ୍କର୍ମ କରିଥିଲା।
ଏ ସମ୍ପର୍କରେ ନାବାଳିକା ଜଣକ ନିଜ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ନାବାଳିକା ସହ ଦେବଗଡ଼ ଥାନାକୁ ଯାଇ ଲିଖିତ ଅଭିଯୋଗ କରିବା ପରେ ଦେବଗଡ଼ ଥାନା ପୁଲିସ ପୋକ୍ସ ଓ ଦୁଷ୍କର୍ମ ସମେତ ବିଭିନ୍ନ ଦଫାରେ ମାମଲା ରୁଜୁ କରି ଅଭିଯୁକ୍ତ ମାମୁଁକୁ ଗିରଫ କରିଥିବା ଜଣାପଡିଛି l
