ଜାମ୍ମୁ,ଏଜେନ୍ସି: ଜାମ୍ମୁ- କାଶ୍ମୀର ସୀମାନ୍ତ ନୌସେରାସେକ୍ଟରରେ ବୁଧବାର ସକାଳେ ଆତଙ୍କବାଦୀଙ୍କ ସହିତ ଗୁଳିବିନିମୟ ଘଟିବା ଫଳରେ ୨ ଯବାନ ସହିଦ ହୋଇଛନ୍ତି। ବର୍ତ୍ତମାନ ସୁଦ୍ଧା ଗୁଳିବିନିମୟ ଜାରି ରହିଥିବା ଜଣାପଡ଼ିଛି।
ସୂଚନା ଅନୁସାରେ, ଗତ ମଙ୍ଗଳବାର ନୌସେରାର ଦରାଟ/ମଙ୍ଗଲାଦେଇଅଞ୍ଚଳରେ ୩ ସନ୍ଦିଗ୍ଧଙ୍କ ଗତିବିଧି ଦେଖିବାକୁ ମିଳିବା ପରେ ସେନା ଏବଂ ପୁଲିସ ପକ୍ଷରୁ ସର୍ଚ୍ଚ ଅପରେସନ ଆରମ୍ଭ ହୋଇଥିଲା। ଏହା ପରେ ଯବାନମାନେ ସମ୍ପୃକ୍ତ ଅଞ୍ଚଳକୁ ସିଲ୍ କରିଦେଇ ଆତଙ୍କବାଦୀମାନଙ୍କୁ ଘେରି ରହିଥିଲେ। ବୁଧବାର ଭୋର ସମୟରେଆତଙ୍କବାଦୀମାନେ ହଠାତ୍ ଆକ୍ରମଣ କରିଥିଲେ। ଆତଙ୍କୀଙ୍କ ଗୁଳିରେ ୨ ଯବାନ ସହିଦ ହୋଇଯାଇଥିଲେ। ଯବାନଙ୍କ ପକ୍ଷରୁ ମଧ୍ୟ ପ୍ରତିଆକ୍ରମଣ ଜାରି ରହିଛି।
