ନାସିକ,ଏଜେନ୍ସି: ମହାରାଷ୍ଟ୍ରର ପୂର୍ବତନ ମନ୍ତ୍ରୀ ତୁକାରାମ ଦିଘୋଲେଙ୍କ ପରଲୋକ ଘଟିଛି। ବାର୍ଦ୍ଧକ୍ୟ ଜନିତ ସ୍ବାସ୍ଥ୍ୟ ସମସ୍ୟା କାରଣରୁ ତାଙ୍କୁ ନାସିକର ଏକ ଘରୋଇ ହସ୍ପିଟାଲରେ ସେ ଚିକିତ୍ସିତ ହେଉଥିଲେ। ଏହି ପରିପ୍ରେକ୍ଷୀରେ ଶନିବାର ସକାଳେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ତୁକାରାମଙ୍କୁ ୭୭ ବର୍ଷ ହୋଇଥିଲା।
ପରିବାରରେ ତାଙ୍କ ସ୍ତ୍ରୀ, ଜଣେ ପୁଅ ଏବଂ ଝିଅ ଅଛନ୍ତି। ତୁକାରାମ ୧୯୮୫ରୁ ୧୯୯୯ ମଧ୍ୟରେ ନାସିକର ସିନ୍ନର ବିଧାନସଭା ଆସନରୁ ନିର୍ବାଚିତ ହୋଇଥିଲେ। ୧୯୯୫-୯୯ ପର୍ୟ୍ୟନ୍ତ ସେ ଶିବସେନା-ବିଜେପି ମେଣ୍ଟ ସରକାରରେ ବିଦ୍ୟୁତ ଏବଂ ଗ୍ରାମୀଣ ବିକାଶ ମନ୍ତ୍ରୀ ଥିଲେ। ସେ ଶିବସେନାରୁ ପ୍ରାର୍ଥୀ ହୋଇ ନିର୍ବାଚନରେ ବିଜୟୀ ହୋଇଥିଲେ।
ସେ ପୂର୍ବରୁ ନାସିକ ଜିଲା କେନ୍ଦ୍ରୀୟ ସହକାରୀ ବ୍ୟାଙ୍କର ପୂର୍ବତନ ନିର୍ଦେଶକ ଏବଂ ନାସିକ ଚିନି ଫ୍ୟାକ୍ଟ୍ରିର ପୂର୍ବତନ ଅଧ୍ୟକ୍ଷ ମଧ୍ୟ ଥିଲେ।
