ମାଲକାନଗିରି,ଏନ୍ଏନ୍ଏସ୍: ମୋବାଇଲ ଟାୱାରରେ ଚଢ଼ି ଯୁୂବକଙ୍କ ଆତ୍ମହତ୍ୟା ଉଦ୍ୟମ। ଉଦ୍ଧାରକାରୀ ଦଳର ୩ ଘଣ୍ଟା କାଳ ଚେଷ୍ଟା ପରେ ଯୁବକ ତଳକୁ ଆସିଥିବା ଜଣାପଡ଼ିଛି। ଏଭଳି ଅଭାବନୀୟ ଘଟଣା ଘଟିଛି ମାଲକାନଗିରି ଏମଭି-୮୧ ଗାଁରେ। ମୋବାଇଲ ଟାୱାରରେ ଜଣେ ଯୁବକ ହଠାତ ଚଢ଼ିଯାଇଥିଲେ। ଗାଁ’ଲୋକେ ବହୁ ବୁଝାସୁଝା କରିଥିଲେ ମଧ୍ୟ ଯୁବକ ତଳକୁ ଆସିନଥିଲେ। ପରେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ପ୍ରାୟ ୩ ଘଣ୍ଟାର ଉଦ୍ୟମ ପରେ ଯୁବକଙ୍କୁ ସଫଳତାର ସହ ତଳକୁ ଅଣାଯାଇଛି। ଉଦ୍ଧାର ପରେ ଯୁବକଙ୍କୁ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଛି। ଉଦ୍ଧାର ଯୁବକଙ୍କ ଘର ଏମଭି-୮୮ ଅଞ୍ଚଳରେ। ତେବେ ସେ କିଛିଦିନ ହେବ ଏମଭି-୮୧ ଅଞ୍ଚଳରେ ବୁଲାବୁଲି କରୁଥିଲେ ବୋଲି ସ୍ଥାନୀୟ ବାସିନ୍ଦା କହିଛନ୍ତି।
