କୋଟପାଡ଼,ଏନ୍ଏନ୍ଏସ୍: ଶନିବାର ସନ୍ଧ୍ୟାରେ କୋଟପାଡ଼ ସହରର ଜଗଦଲପୁର-ବୋରିଗୁମ୍ମା ୬୩ ନମ୍ବର ଜାତୀୟ ରାଜପଥର କୁସୁମି ଛକରେ ଜଣେ ବାଇକ୍ ଚାଳକଙ୍କ ଉପରେ ଏକ ଟ୍ରକ୍ ଚଢ଼ିଯିବାରୁ ଚାଳକ ଘଟଣାସ୍ଥଳରେ ପ୍ରାଣ ହରାଇଛନ୍ତି। ମୃତକ ଜଣକ କୋଟପାଡ଼ ରଇତ ସମାଜ ସମ୍ପାଦକ ସୌରା ସାହି ବାସିନ୍ଦା ଗାଙ୍ଗୁ ପଣ୍ଡା(୪୨) ବୋଲି ଜଣାପଡ଼ିଛି।
ସୂଚନା ଅନୁଯାୟୀ, ଗାଙ୍ଗୁ ପଣ୍ଡା ସନ୍ଧ୍ୟାରେ ଟାଉନରୁ ବାଇକରେ ଘରକୁ ଫେରୁଥିଲେ । କୁସୁମି ଛକରେ ଛିଡ଼ା ହୋଇଥିବା ଏକ କାର୍ ହଠାତ୍ ଡୋର୍ ଖୋଲି ଦେବାରୁ ସେ ରାସ୍ତା ଉପରେ ପଡ଼ି ଯାଇଥିବାବେଳେ ଜଗଦଲପୁର ଆଡୁ ଆସୁ ଥିବା ଏକ ମାଲ୍ ବୋଝେଇ ଟ୍ରକ୍ ତାଙ୍କ ଉପରକୁ ଚଢ଼ି ଯାଇଥିଲା ।
