ଦାରିଙ୍ଗବାଡ଼ି,ଏନଏନଏସ: ଦାରିଙ୍ଗବାଡ଼ି ଥାନା ଅନ୍ତର୍ଗତ ରାଜନପାଙ୍ଗା ଗ୍ରାମ ନିକଟରେ ଏକ ଟ୍ରାକଟର ଦୁର୍ଘଟଣାରେ ଜଣେ ମୃତ୍ୟୁବରଣ କରିଛି । ମୃତକ ଜଣକ ହେଲେ ସିଆଙ୍ଗବାଲି ଗ୍ରାମର ମସେସ ପ୍ରଧାନ( ୨୨) । ସୂଚନାଯୋଗ୍ୟ, ମସେସ ପ୍ରଧାନ ଏକ ଟ୍ରାକଟରରେ ବାଲି ଆଣିବା ନିମନ୍ତେ ସିଆଙ୍ଗବାଲି ରୁ ଗଦଡି ଗ୍ରାମ କୁ ଯାଉଥିଲା । ହେଲେ ରାଜେନପାଙ୍ଗା ଗ୍ରାମ ନିକଟରେ ଗାଡି ଚକା ପଥର ଉପରେ ଚଢ଼ିଯିବାରୁ ମସେସ ପ୍ରଧାନ ଡାଲାରୁ ଖସିପଡି ଚକାତଳେ ପଡି ଯାଇଥିଲେ ।
ଏହାପରେ ମସେସ କୁ ଗୁରୁତର ଅବସ୍ଥାରେ ଦାରିଙ୍ଗବାଡ଼ି ମେଡିକାଲରେ ଭର୍ତ୍ତି କରିଥିବା ବେଳେ ଅବସ୍ଥା ଗୁରୁତର ଥିବାରୁ ବାଲିଗୁଡା ମେଡିକାଲ କୁ ରେଫର କରାଯାଇଥିଲେ । ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ଘଟଣା ବିଷୟରେ ଦାରିଙ୍ଗବାଡ଼ି ପୋଲିସ ସୂଚନା ପାଇବା ପରେ ଥାନା ଅଧିକାରୀ କୌଶିକ ମାଝି ଙ୍କ ନିର୍ଦେଶ କ୍ରମେ ଏସଆଇ ଗୋପାଳକୃଷ୍ଟ ଆଗୁପାତ୍ର ମେଡିକାଲରେ ପହଂଚି ଶବ ଜବତ କରିବା ସହ ଏନେଇ ମାମଲା ୧୪୨/୧୯ ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି । ସନ୍ଧ୍ୟା ହେଇଯାଇଥିବା ହେତୁ ରବିବାର ଦିନ ଶବବ୍ୟବଚ୍ଛେଦ ହେବ ବୋଲି ପୋଲିସ ସୂଚନା ଦେଇଛି ।
