ଭବାନୀପାଟଣା,ଏନ୍ଏନ୍ଏସ୍ : କଳାହାଣ୍ଡି ଜିଲ୍ଲା ଧର୍ମଗଡ ଥାନା ଅନ୍ତର୍ଗତ ବିକ୍ରମଗୁଡା ପାଖରେ ଏକ ଟ୍ରାକ୍ଟର ଓ ଅଟୋ ମୁହାମୁହିଁ ଧକ୍କା ହେବା ଫଳରେ ୫ଜଣ ଆହତ ହୋଇଛନ୍ତି। ଆହତ ସମସ୍ତେ ପର୍ଲା ପଞ୍ଚାୟତ ସେମଲା ଗାଁର ବୋଲି ଜଣାପଡିଛି । ତନ୍ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି । ସମସ୍ତଙ୍କୁ ଧର୍ମଗଡ ଡାକ୍ତରଖାନାକୁ ନିଆଯାଇଛି।
ସୁଚନା ଅନୁଯାୟୀ, ସେମଲା ଗାଁର ଗମ୍ଭିର ମଶ୍ରା, ଜେମା ବାଗ, ଧନମତି ମଶ୍ରା, କୁଜୁମା ଗୋପାଳ ଓ ବାସନ୍ତି ବାଗ ଧର୍ମଗଡ ନିକଟସ୍ଥ ସରଧାପୁର ଗାଁରୁ ନିଜ ଗାଁ ଫେରୁଥିଲେ। ଏହି ସମୟରେ ବିକ୍ରମଗୁଡା ଛକରେ ଏକ ଟ୍ରାକ୍ଟର ସହ ମୁହାମୁହିଁ ଧକ୍କା ହୋଇଥିଲ। ଟ୍ରାକ୍ଟରଟି ଏକ କ୍ରସରର ବୋଲି ଜଣାପଡିଛି। ଦୁର୍ଘଟଣାରେ ଜେମା ବାଗଙ୍କ ହାତ ଛିଣ୍ଡିଯାଇଛି । ତୁରନ୍ତ ସମସ୍ତଙ୍କୁ ଧର୍ମଗଡ ଡାକ୍ତରଖାନାକୁ ନିଆଯାଇଥିବା ବେଳେ ଜେମା, ଧନମତି, କୁଜୁମାଙ୍କୁ ଭବାନିପାଟଣା ଡାକ୍ତରଖାନାକୁ ସ୍ଥାନନ୍ତର କରାଯାଇଛି। ସେଠାରେ ଜେମାଙ୍କ ହାତ କଟାଯାଇଥିବା ଜଣାପଡିଛି । ଧର୍ମଗଡ ପୁଲିସ୍ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
