ଯୁକ୍ତ ୨ ବାଣିଜ୍ୟ ପରୀକ୍ଷାରେ ଉତ୍ତୀର୍ଣ୍ଣଙ୍କ ଶ୍ରେଷ୍ଠ ୪୦ ତାଲିକା
ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଯୁକ୍ତ ୨ ବାଣିଜ୍ୟ ପରୀକ୍ଷା ଫଳ ପ୍ରକାଶ ପାଇଛି। ଏଥିରେ ଚଳିତ ବର୍ଷ ୭୪.୯୫ ପ୍ରତିଶତ ରେଜଲ୍ଟ ହୋଇଥିବା ବେଳେ ୪୦ ଜଣ ଛାତ୍ରଛାତ୍ରୀ ୯୦ ପ୍ରତିଶତରୁ ଊର୍ଦ୍ଧ୍ୱ ମାର୍କ ରଖିଛନ୍ତି। ସେମାନଙ୍କ ମଧ୍ୟରେ ନୟାଗଡ଼ ମହାବିଦ୍ୟାଳୟର ଛାତ୍ର ସିତୁ ବେହେରା ୫୬୭ ମାର୍କ ରଖି ସାରା ରାଜ୍ୟରେ ଟପ୍ପର ହୋଇଥିବାବେଳେ ସେହି ମହାବିଦ୍ୟାଳୟର ଛାତ୍ରୀ ମନସ୍ୱିତା ମହାନ୍ତି ୫୬୨ ମାର୍କ ରଖି ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ସେହିପରି ତୃତୀୟରେ ବରହ୍ମପୁର ସରସ୍ୱତୀ ବିଦ୍ୟା ମନ୍ଦିର, ନୀଳକଣ୍ଠନଗରର ରାହୁଲ ପ୍ରସନ୍ନ ସାହୁ ରହିଛନ୍ତି।
