ବାରିପଦା,ଏନ୍ଏନ୍ଏସ୍: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପଖଣ୍ଡ ମଣଦା ରେଞ୍ଜ ଖେଜୁରୀ କଟାସ ଗ୍ରାମ ନିକଟରୁ ଗୋଟିଏ କଲରାପତରିଆ ବାଘ ଛାଲ ଉଦ୍ଧାର ହୋଇଛି। ରାଇରଙ୍ଗପୁର ବନଖଣ୍ଡର ଏକ ଟିମ୍ ଚଢଉ କରି ବଡ ବାଲିଚୁଆ ଗ୍ରାମର ଲକ୍ଷ୍ମଣ ନାଏକ(୨୭)ଙ୍କୁ ଗିରଫ କରିଥିବାବେଳେ ଅନ୍ୟମାନେ ଖସି ଯାଇଛନ୍ତି। ଡ. ଅରୁଣ କୁମାର ମିଶ୍ରଙ୍କ ନେତୃତ୍ୱରେ ଏସିଏଫ ବୈଦନାଥ ମାଝୀ, ଏସିଏଫ ନବୀନ ଚନ୍ଦ୍ର ନାୟକ, ଫରେଷ୍ଟର ଓ ଫରେଷ୍ଟ ଗାର୍ଡ ପ୍ରମୁଖ ଚଢ଼ଉରେ ସାମିଲ ହୋଇଥିଲେ। ବାଘ ଛାଲଟି ୧୫୩ ସେମି ଲମ୍ବା ଓ ୩୧ ସେମି ଓସାର ହୋଇଥିବା ବେଳେ ୨/୩ ମାସତଳେ ଶିକାର କରାଯାଇଥିବା ଜଣାପଡ଼ିଛି। ଶିକାରୀ ଚମଡା ନେଇ ଆଜି ବିକ୍ରି ପାଇଁ ମୁଲଚାଲ କରୁଥିବାବେଳେ ବନବିଭାଗ ପକ୍ଷରୁ ଚଢ଼ଉ କରାଯାଇଥିଲା। ଶିମିଳିପାଳ ଜୈବମଣ୍ଡଳ ସଂଲଗ୍ନ ଅଞ୍ଚଳରୁ ବାଘ ଶିକାର କରାଯାଇଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି।
