ନବରଙ୍ଗପୁର,ଏନ୍ଏନ୍ଏସ୍: ନବରଙ୍ଗପୁର ଜିଲ୍ଲା ଅନ୍ତର୍ଗତ ରାଇଘର ସରଗୁଲି ଗାଁ’ ରାସ୍ତାକଡ଼ରୁ ୨ଟି ଟିଫିନ ବୋମା ଜବତ ହୋଇଥିବା ସୋମବାର ଜଣାପଡ଼ିଛି। ଗାଁ’ର ଜଣେ ଯୁବକ ଟିଫିନ ବୋମା ଦେଖି ପୁଲିକୁ ସୂଚନା ଦେଇଥିଲେ। ଖବରପାଇ ଘଟଣାସ୍ଥଳରେ ପୁଲିସ ସହ ବୋମା ନିଷ୍କ୍ରିୟକାରୀ ଦଳ ପହଞ୍ଚିଥିବା ଜଣାପଡ଼ିଛି। ବୋମାକୁ ନିଷ୍କ୍ରିୟ କରିବାକୁ ବୋମା ନିଷ୍କ୍ରିୟକାରୀ ଦଳ ଉଦ୍ୟମ ଜାରି ରଖିଛନ୍ତି। ତେବେ ଗାଁର ରାସ୍ତାରେ କିପରି ଟିଫିନ ବୋମା ଆସିଲା, ସେନେଇ କୌଣସି ସ୍ପଷ୍ଟ ସୂଚନା ମିଳିନଥିବାବେଳେ ଏ ନେଇ ଗ୍ରାମବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ପୁଲିସ ଘଟଣାର ତଦନ୍ତ ଜାରି ରଖିଛି।
