ରିଆମାଳ,ଏନ୍ଏନ୍ଏସ୍: ରିଆମାଳ ବ୍ଲକ୍ ମଳେହିପଡା ଅନ୍ତର୍ଗତ ସାନସିମଲଇ ଗ୍ରାମରେ ରବିବାର ରାତିରେ ବହୁ ଜୋରରେ ଘୂର୍ଣ୍ଣିଝଡ ହୋଇଥିଲା। ପବନ ଓ ବର୍ଷାର ତାଣ୍ଡବରେ ବହୁ କ୍ଷୟକ୍ଷତି ହୋଇଅଛି। ଗ୍ରାମର ୧୨ରୁ ଊର୍ଦ୍ଧ୍ୱ ଘର ଉଡେଇ ନେଇଥିବାରୁ ଲୋକ ମାନେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ଗ୍ରାମର ଦିଲ୍ଲୀପ ପ୍ରଧାନ, ସନ୍ତୋଷ ପ୍ରଧାନ, ପ୍ରକାଶ ପ୍ରଧାନ, ଧନେଶ୍ୱର ପ୍ରଧାନ, ଟିକୁନୁ ପ୍ରଧାନ, କବି ଚାରଦିଆ, ଶଙ୍କର ବାଘ, ଅଭି ଚାରଦିଆ, ଅଇଁଠା ଚାରଦିଆ, ଶ୍ରୀକର ବାଘ, ପ୍ରକାଶ ପ୍ରଧାନ, ଗିରିଧାରୀ ପ୍ରଧାନଙ୍କ ଘର ଓ ବାରଣ୍ଡାର ଛାତ ଉଡାଇ ନେଇଛି।
ଏଥିରେ ପରିବାର ବହୁ କଷ୍ଟରେ ରହୁଥିବା ଦେଖାଯାଇଛି। ଏକ ଟିଭି ଟାଓ୍ବାର ମଧ୍ୟ ଉପାଡି ହୋଇ ଗ୍ରାମର ଗିରିଧାରୀ ପ୍ରଧାନଙ୍କ ଘର ଉପରେ ପଡ଼ିଛି। ଯଥା ଶୀଘ୍ର ପ୍ରଶାସନ ପକ୍ଷରୁ ତଦନ୍ତ କରାଯାଇ କ୍ଷୟକ୍ଷତି ହୋଇଥିବା ପରିବାରଙ୍କୁ ଘର ଓ ସହୟତା ଯୋଗାଇ ଦେବାକୁ ଦାବି ହୋଇଅଛି।
