କୋରୁକୋଣ୍ଡା,ଏନ୍ଏନ୍ଏସ୍: ଚଢେଇ ଶିକାର କରୁଥିବା ବନ୍ଧୁକ ଗୁଳିରେ ୩ ଜଣ ଆହତ ହୋଇଥିବା ଜଣାପଡିଛି। ମାଲକାନଗିରି ଜିଲ୍ଲା ସଦର ଥାନା ଅନ୍ତର୍ଗତ କାମବେଡା ଗ୍ରାମର ମୁକ୍କା ମାଡକାମୀଙ୍କ ଘର ସମ୍ମୁଖରେ ଗତକାଲି ସନ୍ଧ୍ୟାରେ କିଛି ଯୁବକ ବସି କଥା ହେଉଥିଲେ। ଏହି ସମୟରେ ହଠାତ ୪ ରାଉଣ୍ଡ ଗୁଳି ଫୁଟିଥିଲା। ଫଳରେ ସେଠାରେ ବସିଥିବା ଯୁବକମାନେ ଭୟଭୀତ ହୋଇଯିବା ସହ ଛତ୍ରଭଙ୍ଗ ଦେଇଥିଲେ। ତେବେ ସେମାନଙ୍କ ମଧ୍ୟରୁ ୱାଗା ସୋଡି(୨୩), ଗୋବିନ୍ଦ ମାଡକାମୀ(୧୯) ଏବଂ ମୁକ୍କା ମାଡକାମୀ(୪୫)ଙ୍କ ଦେହରେ ଗୁଳି ବାଜିଥିଲା। ସେମାନଙ୍କୁ କୋରୁକୋଣ୍ଡାସ୍ଥିତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ଆଜି ଏହି ଆହତ ୩ଜଣ ମାଲକାନଗିରି ଥାନାରେ ଏକ ଲିଖିତ ଅଭିଯୋଗ କରିଥିବାବେଳେ ଚଢେଇ ମରା ବନ୍ଧୁକରେ ଆକ୍ରମଣ ହୋଇଥିବା ମାଲକାନଗିରି ଥାନାଧିକାରୀ ରାମପ୍ରସାଦ ନାଗ ସୂଚନା ଦେଇଛନ୍ତି।
