କଟକ,ଏନ୍ଏନ୍ଏସ୍: ରାଜ୍ୟରେ ଦିନକୁ ଦିନ ଲୁଟେରାଙ୍କ ଆତଙ୍କ ବଢିଚାଲୁଥିବା ବେଳେ ଏହାର ଶିକାର ହୋଇଛନ୍ତି ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ। ତାଙ୍କ ଘରେ କଳାକନା ବୁଲାଇଲେ ଲୁଟେରା। ଗତକାଲି ରାତିରେ ଏନେଇ ଥାନାରେ ଅଭିଯୋଗ ମଧ୍ୟ ହୋଇଛି। ଘଟଣାସ୍ଥଳରେ ଖୋଳତାଡ କରୁଛି ଚାଉଳିଆଗଞ୍ଜ ଥାନା ପୁଲିସ।
ବିଧାୟକଙ୍କ ଘରୁ ଲୁଟ୍ ଘଟଣା ଜଣାପଡ଼ିବା ପରେ କଟକ ସହରରେ ଚର୍ଚ୍ଚା ଆରମ୍ଭ ହୋଇଛି ଏବଂ ଟାଉନ ଭିତରେ ବିଧାୟକଙ୍କୁ ଘରୁ ଲୁଟ୍ ହେବା ପୁଲିସର ପାରିବା ପଣିଆ ନେଇ ପ୍ରଶ୍ନବାଚୀ ସୃଷ୍ଟି କରିଛି। ବର୍ତ୍ତମାନ ସୁଦ୍ଧା କ’ଣ ଲୁଟ୍ ହୋଇଛି ସେନେଇ କିଛି ସ୍ପଷ୍ଟ ସୁଚନା ମିଳିପାରି ନାହିଁ। ପୁଲିସ ଘଟଣାର ତଦନ୍ତ କରୁଥିବା ବେଳେ ଆଗକୁ ସବିଶେଷ ସୂଚନା ମିଳିବା ଆଶା କରାଯାଉଛି।
