ରାୟଗଡ଼ା,ଏନ୍ଏନ୍ଏସ୍: ଜିଲ୍ଲାରେ ବର୍ତ୍ତମାନ ସୁଦ୍ଧା ୫ ହଜାର ୮୦୮ ସଂକ୍ରମିତ ଚିହ୍ନଟ ହୋଇଥିବାବେଳେ ୪ ହଜାର ୯୮୯ ଜଣ ସୁସ୍ଥ ହୋଇସାରିଲେଣି। ଆଜି ଜିଲ୍ଲାରୁ ୫୮ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଏଥିମଧ୍ୟରେ ୬ ଜଣ କରୋନା ଯୋଦ୍ଧା ଅଛନ୍ତି। ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ମୁନିଗୁଡାରୁ ୨୧, ରାୟଗଡା ପୌରାଞ୍ଚଳରୁ ୧୩, କାଶିପୁରରୁ ୯, ଗୁଣପୁର ପୌରାଞ୍ଚଳରୁ ୫, କଲ୍ୟାଣସିଂହପୁରରୁ ୪, ଚନ୍ଦ୍ରପୁର, ରାୟଗଡା ଗ୍ରାମାଞ୍ଚଳରୁ ୨ ଏବଂ ବିଷମକଟକ, ପଦ୍ମପୁରରୁ ଜଣେ ଲେଖାଏଁ ପଜିଟିଭ୍ ଚିହ୍ନଟ ହୋଇଛନ୍ତି। କରୋନା ସଂକ୍ରମଣର ଶିକାର ହୋଇ ଜିଲ୍ଲାରୁ ୩୧ ଜଣଙ୍କ ମୃତ୍ୟୁ ହୋଇଛି। ଜିଲ୍ଲାରେ କରୋନା ସଂକ୍ରମଣ ବଢୁଥିବାରୁ ଜିଲ୍ଲାବାସୀଙ୍କୁ ସତର୍କ ଏବଂ ସଜାଗ ରହିବା ପାଇଁ ଜିଲ୍ଲାପାଳ ପ୍ରମୋଦ କୁମାର ବେହେରା ପରାମର୍ଶ ଦେଇଛନ୍ତି।
