ପୁରୀ : ଚିଲିକା ମଝିରେ ପୁଣି ଥରେ ଅଟକି ରହିଲା ଡଙ୍ଗା । ଯାନ୍ତ୍ରିକ ତ୍ରୁଟି ଯୋଗୁ ଡଙ୍ଗାଟି ଅଟକିଥିବା ନେଇ ସୂଚନା ମିଳିଥିବାବେଳେ ସେଥିରେ ୩୦ ଛାତ୍ରଙ୍କ ସମେତ ୫୦ରୁ ଅଧିକ ଯାତ୍ରୀ ଫସି ରହିଥିବା ଜଣାପଡ଼ିଛି । ଖବର ମିଳିବା ପରେ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ।
ସୂଚନା ଅନୁଯାୟୀ, ବୁଧବାର ସକାଳେ ଡଙ୍ଗାଟି ଜହ୍ନିକୁଦାରୁ ସାତପଡ଼ା ଆସୁଥିଲା । କିନ୍ତୁ ମହିଷା ନିକଟରେ ଡଙ୍ଗା ହଠାତ୍ ଅଚଳ ହୋଇପଡ଼ିଥିଲା । ମଝି ଚିଲିକାରେ ଡଙ୍ଗା ଅଟକି ରହିଥିଲା । ଡଙ୍ଗାରେ ଥିବା ୩୦ ଛାତ୍ର ଯୁକ୍ତ ୨ ପରୀକ୍ଷା ଦେବାକୁ ଆସୁଥିଲେ ବୋଲି ସୂଚନା ମିଳିଛି ।
