କ.ନୂଆଗାଁ,ଏନ୍ଏନ୍ଏସ୍: କନ୍ଧମାଳ ଜିଲ୍ଲା ସାରଙ୍ଗଡ଼ ଥାନାରୁ ଚମ୍ପଟ ମାରିଥିବା ବାଇକ୍ ଚୋରକୁ ପୁଲିସ ଧରିବାରେ ସକ୍ଷମ ହୋଇଛି। ସୂଚନା ଅନୁଯାୟୀ ,ଏକ ସପ୍ତାହ ତଳେ ସାରଙ୍ଗଗଡ଼ ଥାନା ବଣଗୁଡାର ମିଟୁନା ପୃଷ୍ଟିଙ୍କର ବାଇକ୍ ଚୋରି ହୋଇଥିଲା। ଏନେଇ ଥାନାରେ ଅଭିଯୋଗ ହୋଇଥିଲା। ଗତ ୧୨ ତାରିଖରେ ବଣ୍ଡଗୁଡା ପଞ୍ଚାୟତର ଗିନ୍ଦାପଙ୍ଗା ଗ୍ରାମର ପ୍ରିୟ ରଞ୍ଜନ ଓରଫ ପିଣ୍ଟୁ ଉକ୍ତ ଚୋରା ବାଇକ ନେଇ ଫୁଲବାଣୀ ଯାଉଥିବାବେଳେ ଦୁର୍ଘଟଣାର ଶିକାର ହୋଇଥିଲେ। ପୁଲିସ ପିଣ୍ଟୁକୁ ଉଦ୍ଧାର କରିବାପରେ ସେ ଚଲାଉଥିବା ବାଇକ୍ ମିଟୁନାଙ୍କର ଜାଣିବାପରେ ତାଙ୍କୁ ଥାନାରେ ଅଟକ ରଖିଥିଲା। ତେବେ କୌଶଳ କ୍ରମେ ପିଣ୍ଟୁ ଥାନାରୁ ଚମ୍ପଟ ମାରିଥିଲା। ପୁଲିସ ଚାରିଆଡେ ତନାଘନା କରିବା ସହ ଆଜି ତାକୁ କ.ନୂଆଗାଁ ଅଞ୍ଚଳରୁ ଧରିବାରେ ପୁଣି ସକ୍ଷମ ହୋଇଛି।
