ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ରେଞ୍ଜ କୁଣ୍ଡୁଳା ପଞ୍ଚାୟତ ଜୟପୁର ଗ୍ରାମରେ ଭାଲୁ ଆକ୍ରମଣରେ ଜଣେ ଗୁରୁତର ହୋଇଛନ୍ତି। ଗୁରୁତର ଜଣକ ହେଲେ ଗ୍ରାମର ମୋହନ ମାଝୀ। ସେ ଗତକାଲି ସନ୍ଧ୍ୟାରେ ଘର ନିକଟରେ ଛିଡା ହୋଇଥିବା ବେଳେ ପାଖ ହୁଡ଼ିରୁ ଆସି ଏକ ଭାଲୁ ତାଙ୍କୁ ଆକ୍ରମଣ କରିଥିଲା। ଗୁରୁତର ଅବସ୍ଥାରେ ବନବିଭାଗ କର୍ମଚାରୀ ତାଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ମୋହନଙ୍କ ବାମ ଜଙ୍ଘରେ ଗଭୀର କ୍ଷତ ହୋଇଥିବା ଜଣାପଡ଼ିଛି।
