ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡା ଡିଏଭି ପବ୍ଲିକ୍ ସ୍କୁଲ ତରଫରୁ ଗୁରୁଦିବସ ଏକ ନିଆରା ଢଙ୍ଗରେ ପାଳିତ ହୋଇଯାଇଛି। ଛାତ୍ରଛାତ୍ରୀମାନେ ଅଣଆନୁଷ୍ଠାନିକ ଭାବେ ତଥା ୟୁଟ୍ୟୁବ ଲିଙ୍କ ମାଧ୍ୟମରେ ଗୁରୁଦିବସ ୱେବିନାରର ଆୟୋଜନ କରିଥିଲେ। ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ଅଭିଭାବକ ଓ ଶୁଭେଚ୍ଛୁମାନେ ଅନଲାଇନ ଗୁରୁଦିବସ ପାଳନରେ ସାମିଲ ହୋଇଥିଲେ। ଏହି ଅବସରରେ ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଚିତ୍ରଫଳକ ଉପରେ ମାଲ୍ୟାର୍ପଣ କରାଯିବା ସହିତ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ବିଦ୍ୟାଳୟର ଅଧ୍ୟକ୍ଷ ପ୍ରଶାନ୍ତ କୁମାର ପଣ୍ଡା ସମସ୍ତ ପୌରାଣିକ ଓ ଆଧୁନିକ ଗୁରୁବର୍ଗଙ୍କ ସ୍ମୃତିଚାରଣ କରିବା ସହିତ ସେମାନଙ୍କ ଅବଦାନ ସମ୍ପର୍କରେ ଅଭିବ୍ୟକ୍ତ ରଖିଥିଲେ। ପ୍ରକୃତି ଓ ପଶୁପକ୍ଷୀଙ୍କଠାରୁ ମଧ୍ୟ ଶିକ୍ଷାଲାଭ କରିବା ତଥା ଜୀବନରେ ନକାରାତ୍ମକ ବିଚାର ବିରୁଦ୍ଧରେ ଲଢ଼େଇ କରିବା, ନିଜ ନିଜ କୌଶଳ ଓ ଭାବନାଗୁଡ଼ିକର ନବୀକରଣ କରି ନୂତନ ଆବିଷ୍କାର କରିବା, ନିଜ ପୂର୍ବତନ ଶିକ୍ଷକମାନଙ୍କୁ ସ୍ମରଣ କରିବା ଏବଂ ସମାଜର ଉନ୍ନତିମୂଳକ କାର୍ଯ୍ୟ କରିବା ପାଇଁ ସେ ଛାତ୍ରଛାତ୍ରୀମାନଙ୍କୁ ଉପଦେଶ ଥିଲେ । ବରିଷ୍ଠ ଶିକ୍ଷକ ସୁବାସ ଚନ୍ଦ୍ର ମିଶ୍ର, ଏମ୍ ଭି ଏଲ ଏନ ରାଓ, ନୀଳିମା ପଟେଲ, ବିଜୟ କୁମାର ଦାଶ, ଅକ୍ଷୟ ପାଣି, ରାହାସ ବିହାରୀ ଦାଶ ଓ ଅନ୍ୟ ଶିକ୍ଷକ ଶିକ୍ଷୟିତ୍ରୀ କାର୍ଯ୍ୟକ୍ରମରେ ଉପସ୍ଥିତ ଥିଲେ।
