ଖପ୍ରାଖୋଲ,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ଅର୍ନ୍ତଗତ ଖପ୍ରାଖୋଲରେ ଥିବା ହରିଶଙ୍କର ଉଚ୍ଚମାଧ୍ୟମିକ ବିଦ୍ୟାଳୟକୁ ଶନିବାର ଦିନ ପାଟଣାଗଡ ଭାରପ୍ରାପ୍ତ ଉପ-ଜିଲ୍ଲାପାଳ ପୁଷ୍ପାଞ୍ଜଳି ପଣ୍ଡା ଆକସ୍ମିକ ଗସ୍ତ କରିଥିବା ଜଣାପଡିଛି। ଏହି ଗସ୍ତ ହଠାତ ହୋଇଥିବା ବେଳେ କେହି କିଛି ବୁଝିବା ପୂର୍ବରୁ ଉପଜିଲ୍ଲାପାଳ ସିଧାସଳଖ ଛାତ୍ରଛାତ୍ରୀଙ୍କ ଶ୍ରେଣୀ ଗୃହକୁ ପ୍ରବେଶ କରି ସେମାନଙ୍କୁ ବିଭିନ୍ନ ବିଷୟରେ ପଚରାଉଚରା କରିଥିଲେ। ଏଥିସହିତ କରୋନା ମହାମାରୀ ଉପରେ ସଚେତନତାର ବାର୍ତ୍ତା ଦେଇଥିବା ମଧ୍ୟ ଜଣାପଡିଛି। ଅନ୍ୟମାନଙ୍କୁ ମଧ୍ୟ ସଚେତନ କରି ସୁରକ୍ଷିତ ରହିବାକୁ ପରାମର୍ଶ ଦେବାକୁ କହିଥିଲେ।
ଉପଜିଲ୍ଲାପାଳଙ୍କ ଏହି ଗସ୍ତ ସମୟରେ ଖପ୍ରାଖୋଲ ହରିଶଙ୍କର ଉଚ୍ଚମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରମୋଦ ପାଣିଙ୍କ ସହିତ ଅଧ୍ୟାପିକା ଉପସ୍ଥିତ ରହିଥିବା ବେଲେ ବିଦ୍ୟାଳୟର କର୍ମଚାରୀମାନଙ୍କ ମଧ୍ୟରେ ଜନାର୍ଦ୍ଦନ ସୁନା, କିଶୋର ବାଗ, ଗୁଣମଣି ସାହୁ ପ୍ରମୁଖ ଉପସ୍ଥିତ ଥିବା ଜଣାପଡିଛି।
