ଜୟପୁର,ଏନ୍ଏନ୍ଏସ୍: ବୈପାରିଗୁଡ଼ା ପୁଲିସ ଚୋରି ହୋଇଥିବା ୩୦ ଗ୍ରାମ୍ ସୁନା ଗହଣା ଓ ୨୫ ହଜାର ଟଙ୍କା ଜବତ କରିବା ସହ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତ ଜଣକ ହେଲେ କାର୍ତିକ ପ୍ରଧାନୀ। ମିଳିଥିବା ରିପୋର୍ଟ ମୁତାବକ, ଗୁପ୍ତେଶର ନିକଟସ୍ଥ ନୂଆଗାଁର ଅଧିଆ ବାଡ଼ମଙ୍କ ଘରୁ କିଛିଦିନ ପୂର୍ବେ ଚୋରି ହୋଇଥିଲା। ପରେ ବୈପାରିଗୁଡ଼ା ପୁଲିସ ଏକ ମାମଲା ରୁଜୁ କରି ତଦନ୍ତ କରୁଥିବାବେଳେ ନୂଆଗାଁର କାର୍ତିକ ପ୍ରଧାନୀକୁ ନେଇ ପଚରାଉଚୁରା କରିବାବେଳେ ସେ ଚୋରି କରିଥିବା ମାନି ଯାଇଥିଲା। ଉକ୍ତ ଘଟଣାରେ ପୁଲିସ କାର୍ତିକକୁ ଗିରଫ କରି କୋର୍ଟ ଚାଲାଣ କରିଥିବା ଡିଏସପି ଅଂଶୁମାନ ଦ୍ୱିବେଦୀ ସୂଚନା ଦେଇଛନ୍ତି।
