ରାମନାଗୁଡ଼ା, ଏନ୍ଏନ୍ଏସ୍: ରାଜ୍ୟ ଶିକ୍ଷା ବିଭାଗ ଉପନିର୍ଦ୍ଦେଶିକା ନଳିନୀ କୁମାରୀ ସାହୁ ରାୟଗଡ଼ା ଜିଲ୍ଲା ରାମନାଗୁଡ଼ା ବ୍ଲକ ସଦର ମହକୁମା ଉଚ୍ଚ ମାଧ୍ୟମିକ ବିଦ୍ୟାଳୟ ପରିର୍ଦଶନ କରିଛନ୍ତି । ଏହି ଅବସରରେ ଶ୍ରୀମତୀ ସାହୁ ପ୍ରଥମେ ସ୍ମାର୍ଟ ଶ୍ରେଣୀଗୃହ, ଛାତ୍ରଛାତ୍ରୀ ଶୌଚାଳୟ, ଲାଇବ୍ରେରୀ, ବିଦ୍ୟାଳୟରେ ସ୍ୱଛ ପାନୀୟ ଜଳ ବ୍ୟବସ୍ଥା, ବିଜ୍ଞାନ ଶ୍ରେଣୀ ଗୃହ, ଶିକ୍ଷକଙ୍କ ସାଧାରଣ ଗୃହ ଓ ପ୍ରଧାନଶିକ୍ଷକ ପ୍ରକୋଷ୍ଠ ଆଦି ବୁଲି ଦେଖିବା ସହ ବିଦ୍ୟାଳୟ ସମସ୍ତ କାର୍ଯ୍ୟ ଉପଯୁକ୍ତ ରକ୍ଷଣାବେକ୍ଷଣ ବ୍ୟବସ୍ଥା ସଠିକ୍ ରୂପେ ହୋଇଥିବା ହେତୁ ଖୁସିବ୍ୟକ୍ତ କରିଥିଲେ । ଛାତ୍ରଛାତ୍ରୀଙ୍କ ପକ୍ଷରୁ ଶ୍ରୀମତୀ ସାହୁଙ୍କ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ସେହିପରି ବିଦ୍ୟାଳୟ ସମସ୍ତ ଆନୁଷଙ୍ଗିକ ବ୍ୟବସ୍ଥାକୁ ନେଇ ଶ୍ରୀମତୀ ଶିକ୍ଷକ ଶିକ୍ଷୟିତ୍ରୀଙ୍କ ସହ ଆଲୋଚନା କରିଥିଲେ । ଏହି ସମୟରେ ରାଜ୍ୟ ସମ୍ମାନୀତ ଶିକ୍ଷା ସଂଯୋଜକ ଅଶୋକ କୁମାର ମହାପାତ୍ର, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭୂଜନଲାଲ ମାଝୀ, ଦିଲ୍ଲୀପ କୁମାର ସାବତଙ୍କ ସମେତ ପ୍ରଧାନଶିକ୍ଷକ ଓ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ ।
