ନୂଆଦିଲ୍ଲୀ: କରୋନା ଭାଇରସକୁ ରୋକିବା ପାଇଁ ପ୍ରସ୍ତୁତ କରାଯାଇଥିବା ଆରୋଗ୍ୟ ସେତୁ ଆପର ବ୍ୟବହାରକାରୀଙ୍କ ପାଇଁ ଏକ ବଡ଼ ଖବର। କାରଣ ଏବେ ଏଥିରେ ଯୋଡ଼ିବାକୁ ଯାଉଛି ଏକ ନୂଆ ଫିଚର ଯଦ୍ୱାରା ଆପଣ ଘରେ ବସି ଇ-ପାସ୍ ପାଇପାରିବେ। ଆପରେ ଦେଖାଯାଉଥିବା ସୂଚନାନୁସାରେ ଖୁବଶୀଘ୍ର ଏଥିରେ ଇ-ପାସ୍ ସୁବିଧା ଉପଲବ୍ଧ ହେବ। କିନ୍ତୁ କେଉଁ ସବୁ ସର୍ତ୍ତ ଓ ପରିସ୍ଥିତିରେ ଲୋକେ ଆରୋଗ୍ୟ ସେତୁ ଦ୍ୱାରା ଇ-ପାସ୍ ପାଇପାରିବେ ସେନେଇ ସରକାର କୌଣସି ସୂଚନା ପ୍ରଦାନ କରିନାହାନ୍ତି। ନିକଟରେ ଏହି ଆପରେ ପ୍ରାଇଭେସି ପଲିସିକୁ ମଧ୍ୟ ଅପଡେଟ କରାଯାଇଥିଲା।
