କୋଲକାତା: କୋଲକାତା ନାଇଟ ରାଇଡର୍ସର ଅଧିନାୟକ ଭାର ସମ୍ଭାଳିବେ ପ୍ରତିଭାବାନ ବ୍ୟାଟ୍ସମେନ ଶ୍ରେୟସ ଅୟର । ଏନେଇ ଟିମ୍ କେକେଆର ଟ୍ୱିଟ୍ କରି ସୂଚନା ପ୍ରଦାନ କରିଛି । ନିଲାମିରେ ପ୍ରାଞ୍ଚାଇଜି ଶ୍ରେୟସଙ୍କୁ ସର୍ବାଧିକ ୧୨.୨୫ ଲକ୍ଷ ଟଙ୍କାରେ କିଣିଛି ।
ସୂଚନାଯୋଗ୍ୟ, ଶ୍ରେୟସ ଅୟର ଏହାପୂର୍ବରୁ ଦିଲ୍ଲୀ କ୍ୟାପିଟାଲର ଅଧିନାୟକ ଦାୟିତ୍ୱ ତୁଲାଇଛନ୍ତି । ତାଙ୍କ ଅଧିନାୟକତ୍ୱରେ ଟିମ୍ ମଧ୍ୟ ଅନେକ ବିଜୟ ହାସଲ କରିଥିଲା । ଶ୍ରେୟସ ଆଇପିଏଲରେ ୮୭ଟି ପାଳି ଖେଳି ୨,୩୭୫ ରନ୍ କରିବାରେ ସଫଳ ହୋଇଛନ୍ତି । ଟୁର୍ଣ୍ଣାମେଣ୍ଟରେ ତାଙ୍କର ସର୍ବାଧିକ ସ୍କୋର ୯୬ ରହିଛି । ଏଥିସହିତ ବର୍ତ୍ତମାନ ସୁଦ୍ଧା ୧୬ଟି ଅର୍ଦ୍ଧଶତକ ମାରିଛନ୍ତି ।
