ଭୁବନେଶ୍ୱର,ଏନ୍ଏନ୍ଏସ୍ : ପତି ରାଜ କୁନ୍ଦ୍ରାଙ୍କ ସହ ଶିଳ୍ପା ସେଟ୍ଟୀଙ୍କ ଏକ ମଜାଦାର ଭିଡିଓ ଖୁବ ଭାଇରାଲ୍ ହେଉଛି ସୋସିଆଲ ମିଡିଆରେ। ଭିଡିଓରେ ପତି-ପତ୍ନୀଙ୍କ କଳି ବେଶ ରୋଚକ ହୋଇଛି। ଶିଳ୍ପା ପତି ରାଜଙ୍କ ପାଇଁ ଆଳୁ ପରଟା ପ୍ରସ୍ତୁତ କରି ଆଣିଥିବା ଦେଖି ରାଜ ପଚାରୁଛନ୍ତି – ‘ଏଥିରେ ଆଳୁ କେଉଁଠି ଅଛି?’ ଜବାବରେ ଶିଳ୍ପା ରାଜଙ୍କୁ ପଚାରୁଛନ୍ତି – ‘କଶ୍ମିରୀ ପଲାଓରେ କ’ଣ କଶ୍ମୀର ଦେଖିବାକୁ ମିଳେ? ବନାରସୀ ଶାଢ଼ିରେ କ’ଣ ବନାରସ ଦେଖାଯାଏ?’ ଶିଳ୍ପା-ରାଜଙ୍କ ଏହି ଫନି ଭିଡିଓ ସୋସିଆଲ ମିଡିଆରେ ଧମାଲ କରୁଛି। ପ୍ରଶଂସକ ମଧ୍ୟ ଏହି ଭିଡିଓକୁ ନେଇ ଖୁବ୍ କମେଣ୍ଟ କରୁଛନ୍ତି। କାମ ଦିଗରୁ ବିଚାର କଲେ, ଶିଳ୍ପା ଖୁବ୍ ଶୀଘ୍ର ‘ହଙ୍ଗାମା ୨’ ଜରିଆରେ ବଲିଉଡକୁ ଫେରିବାକୁ ପ୍ରସ୍ତୁତ ହେଉଛନ୍ତି। ଏଥିରେ ପରେଶ ରାୱଲ ଓ ମିଜାନ ଜାଫରି ମଧ୍ୟ ଦେଖିବାକୁ ମିଳିବେ। ସେହିପରି ‘ନିକମ୍ମା’ରେ ଶିଳ୍ପା ଅଭିମନ୍ୟୁ ଦସାନୀ ଓ ଶର୍ଲି ସେତିଆଙ୍କ ସହିତ ପ୍ରମୁଖ ଚରିତ୍ରରେ ଅଭିନୟ କରୁଛନ୍ତି।
