ପୁରୀ,ଏନ୍ଏନ୍ଏସ୍: କରୋନା ପାଇଁ ଚଳିତବର୍ଷ ବିଶ୍ୱପ୍ରସିଦ୍ଧ ରଥଯାତ୍ରା ଆୟୋଜନକୁ ନେଇ ଆଶକ୍କା କମ୍ ଥିବା ବେଳେ ଶ୍ରୀମନ୍ଦିର ପ୍ରଶାସନ ପକ୍ଷରୁ ରଥ ତିଆରି ପ୍ରକ୍ରିୟା ଜାରିରହିଛି। ଜୁନ୍ ୨୩ରେ ରଥଯାତ୍ରା। ଏଥିପାଇଁ ଆସନ୍ତା ୨୬ ତାରିଖ ଅକ୍ଷୟ ତୃତୀୟାରୁ ରଥ ନିର୍ମାଣ କାମ ଆରମ୍ଭ ହେବ।
ଏ ନେଇ ତିନିରଥ ନିର୍ମାଣ ଲାଗି ପୁରୀରେ ପହଞ୍ଚିଛି ୭ମ ପର୍ଯ୍ୟାୟ ରଥକାଠ। ନୟାଗଡ଼ ବନଖଣ୍ଡ ତରସିଂହା ରେଞ୍ଜରୁ ଦୁଇଟି ଟ୍ରେଲର ଯୋଗେ ୪୦ ଫୁଟିଆ ଅସନ ଓ ଧଉଡ଼ା କାଠ ଆସିଛି। ଏଥିରେ ଖଣ୍ଡିଏ ଅସନ ଏବଂ ୧୯ ଖଣ୍ଡ ଧଉଡ଼ା କାଠ ଆସିଛି ବୋଲି ଶ୍ରୀମନ୍ଦିର ମୁଖ୍ୟ ତତ୍ତ୍ୱାବଧାରକ ସୁଦର୍ଶନ ମେକାପ ସୂଚନା ଦେଇଛନ୍ତି।
