ନୂଆଦିଲ୍ଲୀ: ନିକଟରେ ବିସିସିଆଇ ସଭାପତି ରୋଜର ବିନ୍ନୀ ପାକିସ୍ତାନ ଗସ୍ତରେ ଯାଇଥିଲେ । ଏହି ସମୟରେ ରୋଜର ବିନ୍ନୀ ଓ ରାଜୀବ ଶୁକ୍ଲା ଲାହୋରରେ ମ୍ୟାଚ ଦେଖିଥିଲେ । ଅନ୍ୟପଟେ ପାକିସ୍ତାନ କ୍ରିକେଟ ବୋର୍ଡ ଅଧିକାରୀ ମଧ୍ୟ ରୋଜର ବିନ୍ନୀ ଓ ରାଜୀବ ଶୁକ୍ଳାଙ୍କ ଜୋରଦାର ସ୍ୱାଗତ କରିଥିଲେ । ଏହାକୁ ଦେଖି ଭାରତ ଓ ପାକିସ୍ତାନ ମଧ୍ୟରେ ସିରିଜକୁ ନେଇ ଫ୍ୟାନଙ୍କ ମଧ୍ୟରେ ଆଶା ଉଜ୍ଜୀବିତ ହୋଇଥିଲା । କିନ୍ତୁ ବାସ୍ତବରେ କ’ଣ ଭାରତ ଓ ପାକିସ୍ତାନ ମଧ୍ୟରେ ସିରିଜ ସମ୍ଭବ? ଏହାର ଜବାବ ଖୋଦ୍ ବିସିସିଆଇ ସଭାପତି ରୋଜର ବିନ୍ନୀ ଦେଇଛନ୍ତି ।
ପାକିସ୍ତାନରୁ ଫେରିବା ପରେ ରୋଜର ବିନ୍ନୀ କହିଛନ୍ତି ଯେ, ପାକିସ୍ତାନ କ୍ରିକେଟ ବୋର୍ଡ ସମ୍ବୋଧିତ ଲୋକ ସେଠାରେ ଆମର ଖୁବ୍ ଧ୍ୟାନ ରଖିଥିଲେ । ସେଠାରେ କ୍ରିକେଟ ଦେଖିବା ଓ ସମ୍ବୋଧିତ ପ୍ରସଙ୍ଗ ଉପରେ କଥା ହେବା ଆମର ଉଦ୍ଦେଶ୍ୟ ଥିଲା । ଭାରତ ଓ ପାକିସ୍ତାନ ମଧ୍ୟରେ ସିରିଜ ହେବାକୁ ନେଇ ବିସିସିଆଇ ଜବାବ ଦେଇପାରିବ ନାହିଁ । ଏହା ସରକାରଙ୍କ ସହ ଜଡ଼ିତ ମାମଲା । ଆମକୁ ଏସବୁ ପାଇଁ ଅପେକ୍ଷା କରିବାକୁ ପଡ଼ିବ ।
