ଟିଟିଲାଗଡ଼,ଏନ୍ଏନ୍ଏସ୍: ଟିଟିଲାଗଡ଼ ଡିଏଭି ସ୍ୱୟଂଶାସିତ ଯୁକ୍ତ ୨ କଲେଜରେ ଛାତ୍ରୀଙ୍କ ୮ ଦିନିଆ ଆତ୍ମରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି । ମହାବିଦ୍ୟାଳୟ ଅଧ୍ୟକ୍ଷ ମେଜର ଡା. ମଧୁସୁଦନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାର ଓ ସମ୍ମାନୀତ ଅତିଥିଭାବେ ଜିଲ୍ଲା ସଂଯୋଜକ ଧନଞ୍ଜୟ ସେଠ ମଞ୍ଚାସୀନ ଥିଲେ । ବର୍ତ୍ତମାନ ସମୟରେ ମହିଳାମାନେ ସେନାରେ ସାମିଲ ହେବାସହ ଦେଶର ସୀମାନ୍ତ ତଥା ସିଆଚିନ ଭଳି ବରଫଯୁକ୍ତ ସ୍ଥାନରେ ସଶସ୍ତ୍ର ପ୍ରହରୀ ଭାବରେ ମଧ୍ୟ କାର୍ଯ୍ୟ କରି ଗୌରବ ବୃଦ୍ଧି କରିଥିବା ଏସଡିପିଓ ଶ୍ରୀମତୀ କୁମ୍ଭାର କହିଥିଲେ । ଉକ୍ତ ପ୍ରଶିକ୍ଷଣ ଶିବିରଟି ସଂଯୋଜକ ଡା. ରମାକାନ୍ତ ବେହେରା, ସହସଂଯୋଜିକା ଡା. ବୈଜୟନ୍ତି ସିଂହ ତଣ୍ଡକାର ଓ ଡା. ଦୁର୍ଗେଶ୍ୱରୀ ମହାନନ୍ଦଙ୍କ ତତ୍ୱାବଧାନରେ ପରିଚାଳିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ୧୫୫ ଜଣ ଶିବିରାର୍ଥୀଙ୍କୁ ଏସଡିପିଓ ଶ୍ରୀମତି କୁମ୍ଭାର ପ୍ରମାଣ ପତ୍ର ପ୍ରଦାନ କରିଥିଲେ ।
