ବରଗଡ,ଏନ୍ଏନ୍ଏସ୍: ଦିଲ୍ଲୀରେ ଚାଲିଥିବା ଖେଲୋ ମାଷ୍ଟର୍ସ ଗେମ୍ରେ ବରଗଡ଼ର ସନ୍ତୋଷ ପ୍ରଧାନଙ୍କ ସଫଳତା ହାସଲ କରିବା ସହ ତିନୋଟି ସ୍ୱର୍ଣ୍ଣ ପଦକ ହାସଲ କରିଛନ୍ତି। ଦିଲ୍ଲୀ ତ୍ୟାଗରାଜ ଷ୍ଟାଡିୟମଠାରେ ଚାଲିଥିବା ଏହି ପ୍ରତିଯୋଗିତାର ଦ୍ୱିତୀୟ ଦିବସରେ ସନ୍ତୋଷ ବ୍ୟକ୍ତିଗତ ଖେଳ ବିଭାଗ ଟ୍ରିପ୍ରଲ ଜମ୍ପ ଏବଂ ଶହେ ଦଶ ମିଟର ବାଧା ଦୌଡରେ ସ୍ୱର୍ଣ୍ଣ ପଦକ ହାସଲ କରିଛନ୍ତି। ସେହିପରି ପ୍ରଥମ ଦିବସରେ ମଧ୍ୟ ଲମ୍ବକୁଦରେ ସେ ସ୍ୱର୍ଣ୍ଣ ପଦକ ହାସଲ କରି ଓଡିଶା ପାଇଁ ଗୌରବ ଆଣିଥିଲେ। ଏପ୍ରିଲ ୩୦ ତାରିଖରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ଆଗାମୀ ମଇ ୩ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ସନ୍ତୋଷ ପ୍ରତିଯୋଗିତାର ୪୫ ବର୍ଷ ବର୍ଗରେ ଶ୍ରେଷ୍ଠ ଏଥେଲେଟ ଭାବରେ ସମ୍ମାନୀତ ହୋଇଛନ୍ତି।
