ମୁମ୍ବାଇ: ବଲିଉଡ଼ର ଭାଇଜାନ ସଲମାନ ଖାନ୍ ତାଙ୍କ ସହୃଦୟତା ପାଇଁ ସଭିଙ୍କଠାରେ ବେଶ୍ ପରିଚିତ। କରୋନା ଲଢ଼େଇ ସମୟରେ ମଧ୍ୟ ସେ ଏହି ଧାରା ବଜାୟ ରଖି ପ୍ରଥମେ ଲୋକଙ୍କୁ ଭିଡିଓ ଜରିଆରେ ସଚେତନ କରାଇଲେ ତା’ପରେ ଶ୍ରମିକଙ୍କ ବ୍ୟାଙ୍କ ଖାତାକୁ ଟଙ୍କା ପଠାଇଲେ। ଆଉ ଏବେ ଭୋକିଲାଙ୍କୁ ଖାଦ୍ୟ ଯୋଗାଇବା ପାଇଁ ଏକ ନିଆରା ପ୍ରୟାସ କରିଛନ୍ତି। ସେ ‘ବିଙ୍ଗ ହାଙ୍ଗ୍ରୀ’ ନାମକ ଏକ ଖାଦ୍ୟ ଟ୍ରକ୍ ଲଞ୍ଚ କରିଛନ୍ତି। ଏହି ଟ୍ରକଟି ଦିନସାରା ମୁମ୍ବାଇର ବିଭିନ୍ନ ଅଞ୍ଚଳରେ ଛିଡ଼ାହୋଇ ଗରିବ ଲୋକଙ୍କୁ ରାସନ ପ୍ରଦାନ କରୁଛି। ଏହି ଲକଡାଉନ ସମୟରେ ସଲମାନ ଏବେ ତାଙ୍କ ଫାର୍ମ ହାଉସରେ ପରିବାର ଓ କିଛି ବନ୍ଧୁଙ୍କ ସହ ରହୁଛନ୍ତି।
