ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ ଖପ୍ରାଖୋଲ ରାସ୍ତାରେ ଥିବା ଧଣ୍ଡାମୁଣ୍ଡା ନିକଟରେ ଆଜି ଅପରାହ୍ନ ସମୟରେ ସଡ଼କ ଦୁର୍ଘଟଣାରେ ବାପା ଓ ଝିଅ ସହ ଗାଡ଼ିର ମାଲିକ ଗୁରୁତର ହୋଇଥିବା ଜଣାପଡ଼ିଛି । ଗୁରୁତରମାନେ ହେଲେ ଭୁବନେଶ୍ୱରର ସୁରେଶ ମହାପାତ୍ର, ଝିଅ ସମୀକ୍ଷା ମହାପାତ୍ର ଓ ବଲାଙ୍ଗିରର ଆଶୁତୋଷ ଦାସ । ସମସ୍ତ ଗୁରୁତରଙ୍କୁ ୧୦୮ ଆମ୍ବୁଲାନ୍ସରେ ପ୍ରଥମେ ପାଟଣାଗଡ଼ ଡାକ୍ତରଖାନାକୁ ଆଣି ପ୍ରାଥମିକ ଚିକିତ୍ସା କରିବା ପରେ ବଲାଙ୍ଗିର ଭୀମଭୋଇ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି। ମିଳିଥିବା ରିପୋର୍ଟ ମୁତାବକ, ସେମାନେ ବଲାଙ୍ଗିରର ଏକ ବାହାଘରକୁ ଆସିଥିଲେ । ବାହାଘର ସାରି ହରିଶଙ୍କର ଦର୍ଶନ କରିବାକୁ ଯାଉଥିବାବେଳେ ଧଣ୍ଡାମୁଣ୍ଡା ଛକରେ ଭାରସାମ୍ୟ ହରାଇ ଏକ ଗଛରେ ପିଟି ହେବା ଫଳରେ ଦୁର୍ଘଟଣାଟି ଘଟିଥିଲା । ଖବର ପାଇ ଖପ୍ରାଖୋଲ ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟିଥିବା ଗାଡ଼ିକୁ ଜବତ କରି ଅଧିକ ତଦନ୍ତ ଜାରି ରହିଛି ବୋଲି ଥାନାଧିକାରୀ କହିଛନ୍ତି ।
