ଝାରସୁଗୁଡା,ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା କନକତୋରା ଫରେଷ୍ଟ ଗେଟ ନିକଟରେ ଜାତୀୟ ରାଜପଥ ୪୯ ଉପରେ ଶୁକ୍ରବର ଏକ ମାରୁତି ଭ୍ୟାନକୁ ଅଜଣା ଟ୍ରକ ଧକ୍କା ଦେଇଛି। ଏହି ମର୍ମନ୍ତୁତ ଦୁର୍ଘଟଣାରେ ଜଣେ ପ୍ରାଣ ହରାଇଛନ୍ତି। ମୃତ ଯୁବକ ଜଣକ ଲଖନପୁର ବ୍ଲକ ୧୯ ଖଣ୍ଡ ମୌଜା ଧୂଲୁଣ୍ଡା ଗ୍ରାମର ଟିକେଶ୍ୱର ମେହେରଙ୍କ ପୁଅ କୁବେର ମେହେର(୨୨) ବୋଲି ଜଣା ପଡିଛି। ଖବରପାଇ କନକତୋରା ଫାଣ୍ଡି ପୁଲିସ ଘଟଣାସ୍ଥଳକୁ ପହଂଚି ମୃତ ଦେହ ଉଦ୍ଧାର କରିବାସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି।
ସୂଚନା ଅନୁଯାଇ ଶୁକ୍ରବାର ଅପରାହ୍ଣରେ କୁବେର ଧୂଲୁଣ୍ଡା ପଟୁ ରେଙ୍ଗାଲି ବଜାରକୁ ମାରୁତି ଭ୍ୟାନ (ସିଜ୧୩ସି ୨୯୬୮)ରେ କପଡା ନେଇ ରେଙ୍ଗାଲି ବଜାରକୁ ବିକ୍ରି କରିବାକୁ ଆସୁଥିଲେ। ସେହି ସମୟରେ ରାୟଗଡରୁ ଝାରସୁଗୁଡା ପଟେ ଆସୁଥିବା ଏକ ଅଜଣା ଟ୍ରକ ତାଙ୍କୁ ଧକ୍କା ଦେଇ ଫେରାର ହୋଇଯାଇଥିଲା। ପୁଲିସ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।
