ନୂଆଦିଲ୍ଲୀ,ଏଜେନ୍ସି: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଇଡି ପଚରାଉଚୁରା ଜାରି ରଖିଛି। ଅଗଷ୍ଟ ୭ରେ ଇଡି ରିୟାଙ୍କୁ ମନି ଲଣ୍ଡରିଂ ମାମଲାରେ ୮ ଘଣ୍ଟା ପଚରାଉଚୁରା କରିଥିଲା। ତେବେ ରିୟାଙ୍କ ଉତ୍ତରରେ ଇଡି ସନ୍ତୁଷ୍ଟ ନଥିବାରୁ ପୁଣି ଇଡିର ନିର୍ଦ୍ଦେଶକ୍ରମେ ରିୟା ସପରିବାରେ ହାଜିର ହୋଇଛନ୍ତି। ଏନେଇ ରିୟାଙ୍କୁ ସମନ ଜାରି ହୋଇଥିଲା।
ସୂଚନାନୁଯାୟୀ, ଆଜି ରିୟାଙ୍କ ସମେତ ତାଙ୍କ ପିତା, ଭାଇ ଓ ବିଜନେସ ମ୍ୟାନେଜର ହାଜିର ହୋଇଛନ୍ତି। ତେବେ ସିଦ୍ଧାର୍ଥ ପଠାନୀଙ୍କୁ ମଧ୍ୟ ଆଜି ପଚରାଉଚୁରା କରାଯିବ। ସୂଚନା ଅନୁସାରେ ରିୟାଙ୍କର ଏଭଳି କିଛି ଇନଭେଷ୍ଟମେଣ୍ଟ ରହିଛି ଯାହା ବିଷୟରେ ଇଡିକୁ କୁହାଯାଇ ନାହିଁ। ରିୟା ଏବଂ ତାଙ୍କ ଭାଇଙ୍କ କମ୍ପାନୀ, ବିଜନେସ୍, କ୍ୟାପିଟାଲ ସମ୍ପର୍କରେ ଇଡି ପଚରାଉଚୁରା କରିବ ବୋଲି ଜଣାପଡ଼ିଛି।
