ଦେବଗଡ଼, ଏନ୍ଏନ୍ଏସ୍ : ବାରକୋଟ ବ୍ଲକ ମୁଖ୍ୟାଳୟ ଦେଇ ଯାଇଥିବା ବ୍ରାହ୍ମଣୀ ନଦୀରେ ଏକ ବଡ଼ ଧରଣର ଦୁର୍ଘଟଣା ଘଟିଛି। ଡଙ୍ଗା ସାହାଯ୍ୟରେ ମାଛ ଜାଲ ବିଛାଉ ଥିବାବେଳେ ନଦୀ ମଧ୍ୟରେ ଥିବା ୧୧କେଭି ବିଦ୍ୟୁତ ପୋଲରୁ ତାର ଓହଳିକା ଥିବାରୁ ଏହାର ସଂସ୍ପର୍ଶରେ ଆସି ଜଣଙ୍କର ମୃତ୍ୟୁ ଘଟିଛି। ବାରକୋଟ ଥାନା ଅନ୍ତର୍ଗତ ବଳିତା ଗ୍ରାମର ଜୟନ୍ତ ଧୀବର(୨୨)ଙ୍କ ଶୋଚନୀୟ ମୃତ୍ୟୁ ଘଟିଥିବାବେଳେ ସାଥିରେ ଥିବା ଅନ୍ୟଜଣେ ଅଳ୍ପକେ ବର୍ତ୍ତି ଯାଇଛନ୍ତି। ଜୟନ୍ତଙ୍କୁ ନଦୀରେ ଥିବା ଅନ୍ୟ ସାଥୀଙ୍କ ସହ ପାଣିରୁ ଉଦ୍ଧାର କରାଯାଇ ଅଗ୍ନିଶମ ବାହିନୀ ସହାୟତାରେ ପବାରକୋଟପ ଡାକ୍ତରଖାନାକୁ ଅଣାଯାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରେ ବାରକୋଟ ଥାନା ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିବାବେଳେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୁଲିସ ସୂଚନା ଦେଇଛି।
