ନୂଆଦିଲ୍ଲୀ: ଭାରତୀୟ ଟିମର ୱିକେଟକିପର ବ୍ୟାଟ୍ସମେନ ଋଷଭ ପନ୍ତ ଦୁର୍ଘଟଣାର ଶିକାର ହୋଇ ଗମ୍ଭୀର ଭାବେ ଆହତ ହୋଇଥିଲେ । କ୍ରିକେଟଠୁ ଦୂରେଇ ରହିଥିବା ଋଷଭ ଏବେ ବାଙ୍ଗାଲୁରୁସ୍ଥିତ ନ୍ୟାସନାଲ କ୍ରିକେଟ ଆକାଡେମୀରେ ଟ୍ରେନିଂ ନେଉଛନ୍ତି। ଆଉ ଟ୍ରେନିଂ ସମୟର ଋଷଭଙ୍କ ଏକ ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଭିଡିଓରେ ସେ ଦ୍ରୁତ ଗତିରେ ସୁସ୍ଥ ହେଉଥିବା ଦେଖିବାକୁ ମିଳିଛି ।
ମିଡିଆ ରିପୋର୍ଟ ମୁତାବକ, ଋଷଭ ପନ୍ତଙ୍କ ସ୍ୱାସ୍ଥ୍ୟରେ ଲଗାତାର ଭାବେ ସୁଧାର ଆସୁଛି । ସେ ସୁସ୍ଥ ହୋଇ ଖୁବଶୀଘ୍ର ପଡ଼ିଆକୁ ଫେରିବେ ବୋଲି ଆଶା ରଖାଯାଇଛି । କିନ୍ତୁ ଫେରିବା ପରେ ସେ କେବେଠୁ ୱିକେଟ କିପିଂ କରିବେ ତାହା ସ୍ପଷ୍ଟ ହୋଇନି ।
