ଦେବଗଡ଼,ଏନ୍ଏନ୍ଏସ୍: ବାରକୋଟ ଥାନା ୪୯ ନମ୍ବର ଜାତୀୟ ରାଜପଥକଡ଼ରୁ ଆଜି ପୁଲିସ ଜଣେ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର କରିଛି। ସୂଚନା ଅନୁଯାୟୀ, ପୁରୁଣା ବାରକୋଟ ଗ୍ରାମ ଦେଇଯାଇଥିବା ଜାତୀୟ ରାଜପଥ କଡରେ ଦୀର୍ଘ ସମୟ ଧରି ଜଣେ ଯୁବକ ପଡିିଥିବା ଦେଖି ସ୍ଥାନୀୟଲୋକେ ପୁଲିସକୁ ଖବର ଦେଇଥିଲେ। ବାରକୋଟ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁପଠାଇଛି। ମୃତ ଯୁବକଙ୍କର କୌଣସି ପରିଚୟ ମିଳିନଥିବାରୁ ସବାଗାରେ ସଂରକ୍ଷିତ ରଖାଯାଇଛିି। କୌଣସି ପରିଚିତ ବ୍ୟକ୍ତି ଯଦି ମୃତଦେହ ଚି଼ହ୍ନଟ କରନ୍ତି ତେବେ ମୃତଦେହ ହସ୍ତାନ୍ତର କରାଯିବ ବୋଲି ଥାନା ଅଧିକାରୀ ରାଜେନ୍ଦ୍ର କୁମାର ମହାପାତ୍ର ସୂଚନା ଦେଇଛନ୍ତି।
