ନୂଆଦିଲ୍ଲୀ,ଏଜେନ୍ସି: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଗଭର୍ଣ୍ଣର ଶକ୍ତିକାନ୍ତ ଦାସ ଶୁକ୍ରବାର ଗଣମାଧ୍ୟମକୁ ସମ୍ବୋଧିତ କରି ଏକ ବଡ଼ ଘୋଷଣା କରିଛନ୍ତି। ଭାରତରେ କରୋନା ଭାଇରସ୍ ଆରମ୍ଭ ହେବା ପରଠାରୁ ଏହା ଶ୍ରୀ ଦାସଙ୍କ ଦ୍ୱିତୀୟ ପ୍ରେସମିଟ। ତେବେ ମାର୍ଚ୍ଚ ୨୭ରେ ତାଙ୍କର ପୂର୍ବ ଠିକଣାରେ ସେ ବେସିସ ପଏଣ୍ଟରେ ୭୫ ପ୍ରତିଶତ ହ୍ରାସ କରିବାକୁ ଘୋଷଣା କରିଥିଲେ।
ଏହି ପରିପ୍ରେକ୍ଷୀରେ ଏନଏଚପି, ନାବାର୍ଡ ଓ ସିଡବିକୁ ମୋଟ ୫୦ ହଜାର କୋଟିର ଆର୍ଥିକ ସହାୟତା ଘୋଷଣା କରିଛନ୍ତି ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ। ଏଥିମଧ୍ୟରୁ ନାବାର୍ଡକୁ ୨୫ ହଜାର କୋଟି, ସିଡବିକୁ ୧୫ ହଜାର କୋଟି ଓ ଏନଏଚପିକୁ ୧୦ ହଜାର କୋଟି ଘୋଷଣା କରାଯାଇଛି। ସେହିପରି ଏମଏସଏମି କ୍ଷେତ୍ର କରୋନା ଦ୍ୱାରା ପ୍ରଭାବିତ ହୋଇଛି। ତେଣୁ ଏମଏଫଆଇ ଓ ଏନବିଏଫସି ପାଇଁ ମଧ୍ୟ ୫୦ ହଜାର କୋଟିର ସହାୟତା ଘୋଷଣା କରାଯାଇଛି। ଏଥିସହ ଶକ୍ତିକାନ୍ତ ଦାସ କହିଛନ୍ତି ଯେ ଦେଶର ଆର୍ଥିକ ସ୍ଥିତି ଉପରେ ଆରବିଆର ନଜର ରହିଛି। ଏହି ପରିପ୍ରେକ୍ଷୀରେ ବିଶ୍ୱରେ ୯ ଟ୍ରିଲିୟନ ଡଲାର କ୍ଷତି ହେବାର ଆଶଙ୍କା ରହିଥିବା ବେଳେ ଆଇଏମଏଫର ଆକଳନ ଅନୁସାରେ ଭାରତର ଅଭିବୃଦ୍ଧି ହାର ୧.୯%କୁ ଖସିଛି। ତେଣୁ ବାକି ଦେଶ ଅପେକ୍ଷା ଭାରତର ଅବସ୍ଥା ଭଲ ରହିଥିବା ଶ୍ରୀ ଦାସ କହିଛନ୍ତି। ଏଥି ନେଇ କରୋନା ସଙ୍କଟ ପରେ ଭାରତର ଜିଡିପି ୭ ପ୍ରତିଶତରୁ ଅଧିକ ରହିବ ବୋଲି ଆଶା କରାଯାଇଛି।
ସେ କହିଛନ୍ତି ଯେ ପର୍ୟ୍ୟାପ୍ତ ଲିକୁଇଡ଼ିଟି ବଜାୟ ରଖିବା, ବ୍ୟାଙ୍କ ଋଣ ପ୍ରବାହକୁ ସୁଗମ କରିବା, ଆର୍ଥିକ ଚାପକୁ ସହଜ କରିବା ପାଇଁ ଆରବିଆଇ ନୂତନ ପଦକ୍ଷେପ ଘୋଷଣା କରିବ। ସେହିପରି କେନ୍ଦ୍ରୀୟ ବ୍ୟାଙ୍କ କାର୍ୟ୍ୟକଳାପର ପରିଣାମ ସ୍ୱରୂପ ବ୍ୟାଙ୍କି ବ୍ୟବସ୍ଥାରେ ଅଧିକ ପରିମାଣର ଲିକୁଇଡିଟି ବୃଦ୍ଧି ପାଇଛି। ଲକଡାଉନ୍ ସମୟରେ ଇଣ୍ଟରନେଟ୍ କିମ୍ବା ମୋବାଇଲ୍ ବ୍ୟାଙ୍କି ସୁବିଧା ସ୍ୱାଭାବିକ ରହିଛି।
ତେବେ ୨୦୦୮-୦୯ର ବିଶ୍ୱ ଆର୍ଥିକ ସଙ୍କଟ ଅପେକ୍ଷା ମାର୍ଚ୍ଚରେ ରପ୍ତାନିରେ ୩୪.୬% କମିଯାଇଛି। ସେହିପରି ମାର୍ଚ୍ଚରେ ଅଟୋମୋବାଇଲ୍ ଉତ୍ପାଦନ ଓ ବିକ୍ରୟ ତୀବ୍ର ହ୍ରାସ ପାଇଛି। ବିଦ୍ୟୁତ୍ ଚାହିଦା ହ୍ରାସ ପାଇଛି। ଏହାଦ୍ୱାରା ୨୦୨୧-୨୨ରେ ଭାରତ ଏକ ତୀବ୍ର ପରିବର୍ତ୍ତନ ଆଣିବ ବୋଲି ଆଶା କରାଯାଇଛି।
